ಸ್ನೇಹಿತರೊಂದಿಗೆ ದೈಹಿಕ ಸಂಪರ್ಕಕ್ಕೆ ಒತ್ತಡ; ಪತಿ ವಿರುದ್ಧ ಪತ್ನಿ ದೂರು

ಬೆಂಗಳೂರು; ಕಟ್ಟಿಕೊಂಡ ಗಂಡನೇ ತನ್ನ ಸ್ನೇಹಿತರ ಜೊತೆ ಮಲಗುವಂತೆ ಒತ್ತಡ ಹೇರುತ್ತಿದ್ದಾನೆಂದು ಆರೋಪಿಸಿ ಮಹಿಳೆಯೊಬ್ಬರು ಪೊಲೀಸ್‌ ಠಾಣೆ ಮೆಟ್ಟಿಲೇರಿದ್ದಾರೆ. ಈ ಬಗ್ಗೆ ಮಹಿಳೆ ಬೆಂಗಳೂರಿನ ಅಮೃತಹಳ್ಳಿಯ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದಾಳೆ.

ನನ್ನ ಗಂಡ ವಿಕೃತ. ಆತ ತನ್ನ ಸ್ನೇಹಿತರ ಜೊತೆ ನನ್ನನ್ನು ದೈಹಿಕ ಸಂಪರ್ಕ ಬೆಳೆಸುವುಂತೆ ಒತ್ತಡ ಹೇರುತ್ತಿದ್ದಾನೆ. ಆತನ ಮೂವರು ಸ್ನೇಹಿತರನ್ನು ಕರೆತಂದು ಅವರೊಂದಿಗೆ ಮಲಗುವಂತೆ ಹೇಳುತ್ತಾನೆ. ಗಂಡನ ಈ ವಿಕೃತ ಬೇಡಿಕೆಗೆ ನಾನು ಒಪ್ಪಲಿಲ್ಲ. ಇದಕ್ಕಾಗಿ ಆತ ನನ್ನ ಮೇಲೆ ಹಲ್ಲೇ ಮಾಡಿದ್ದಾನೆ. ಮಾನಸಿಕವಾಗಿಯೂ ಹಿಂಸೆ ನೀಡಿದ್ದಾನೆ ಎಂದು ಮಹಿಳೆ ಆರೋಪ ಮಾಡಿದ್ದಾಳೆ.

ಆರೋಪಿ ಗಂಡ ಮಂಗಳೂರು ಮೂಲದವನು ಎಂದು ತಿಳಿದುಬಂದಿದೆ.  ಅಮೃತಹಳ್ಳಿ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.