ದೇವನಹಳ್ಳಿ ವಿಮಾನ ನಿಲ್ದಾಣದಲ್ಲಿ ಸುರಕ್ಷತಾ ಎಕ್ಸಿಬಿಷನ್‌
ಬೆಂಗಳೂರು; ದೇವನಹಳ್ಳಿಯ ಕೆಂಪೇಗೌಡ ವಿಮಾನ ನಿಲ್ದಾಣದಲ್ಲಿ ಗಾರ್ಡನ್‌ ಟರ್ಮಿನಲ್‌ ಹಾಗೂ ಹೈಟೆಕ್‌ ಭದ್ರತೆ ಒದಗಿಸಿರುವುದು ಎಲ್ಲರಿಗೂ ತಿಳಿದಿರುವ ಸಂಗತಿ. ಇದಕ್ಕಾಗಿ ಏನೆಲ್ಲಾ ತಂತ್ರಜ್ಞಾನ ಅಳವಡಿಸಿಕೊಳ್ಳಲಾಗಿದೆ ಎಂಬುದನ್ನು ಜಗತ್ತಿನ ತೋರಿಸುವ ಪ್ರಯತ್ನ ನಡೆಯುತ್ತಿದೆ. ಅದಕ್ಕಾಗಿ ಸುರಕ್ಷತಾ ಎಕ್ಸಿಬಿಷನ್‌ ಏರ್ಪಡಿಸಲಾಗಿದೆ.
ಇದರಲ್ಲಿ ವಿಮಾನ ನಿಲ್ದಾಣದಲ್ಲಿರುವ ಹೈಟೆಕ್‌ ತಂತ್ರಜ್ಞಾನ ಅನಾವರಣ ಮಾಡಲಾಗಿದೆ. ವಿಮಾನ ನಿಲ್ದಾಣದ ಸುತ್ತಲೂ ಅಳವಡಿಸಲಾಗಿರುವ ಫೆನ್ಸಿಂಗ್‌ ಕಾಂಪೌಂಡ್‌, ಸಿಬ್ಬಂದಿಯ ವಾಕಿಟಾಕಿ ಬಳಕೆ, ಲಗೇಜ್ ಸ್ಕ್ಯಾನರ್ ಕಂಡು ಪ್ರಯಾಣಿಕರು ಅಚ್ಚರಿಗೊಳಗಾಗಿದ್ದಾರೆ.
ವಿಮಾನ ನಿಲ್ದಾಣ ಸುಮಾರು ನಾಲ್ಕು ಸಾವಿರ ಎಕರೆಯಲ್ಲಿದೆ. ಇದರಲ್ಲಿ ನಾಲ್ಕು ಕಿಲೋ ಮೀಟರ್‌ ಉದ್ದದ ಎರಡು ರನ್‌ವೇಗಳಿವೆ. ಈ ಪ್ರದೇಶದಕ್ಕೆ ಯಾರೂ ನುಸಳದಂತೆ ಅತ್ಯಾಧುನಿಕ ತಂತ್ರಜ್ಞಾನ ಅಳವಡಿಸಲಾಗಿದೆ.
