ಯಾರು ಬಿಟ್ಟು ಹೋಗ್ತಾರೆ ಗೊತ್ತಿದೆ, ಇದ್ರಿಂದ ಆತಂಕ ಇಲ್ಲ ಎಂದ ಹೆಚ್ಡಿಕೆ

ಬೆಂಗಳೂರು; ಪಕ್ಷ ಬಿಟ್ಟು ಹೋಗುವವರ ಬಗ್ಗೆ ನಮಗೇನೂ ಆತಂಕವಿಲ್ಲ. ನಮ್ಮ ಪಕ್ಷದಿಂದ ಯಾರು ಬಿಟ್ಟು ಹೋಗುತ್ತಾರೆ ಎಂಬುದು ಈಗಾಗಲೇ ನಮಗೆ ಗೊತ್ತಿದೆ. ಇದ್ರಿಂದಾಗಿ ನಮಗೆ ಯಾವುದೇ ರೀತಿಯಿಂದಲೂ ಆತಂಕವಿಲ್ಲ ಎಂದು ಮಾಜಿ ಸಿಎಂ ಹೆಚ್‌.ಡಿ.ಕುಮಾರಸ್ವಾಮಿ ಹೇಳಿದ್ದಾರೆ.

ಈ ಬಗ್ಗೆ ಮಾತನಾಡಿರುವ ಅವರು, ನಮ್ಮ ಪಕ್ಷದ ಶಾಸಕರು ಯಾರು ಯಾವ ಪಕ್ಷಕ್ಕೆ ಹೋಗುತ್ತಾರೆ. ಯಾರ ಜೊತೆ ಸಂಪರ್ಕದಲ್ಲಿದ್ದಾರೆ. ಅವರನ್ನು ಪುಸಲಾಯಿಸುತ್ತಿರುವವರು ಯಾರು..? ಎಲ್ಲವೂ ಗೊತ್ತಿದೆ. ನಮ್ಮ ಪಕ್ಷದಿಂದ ಹೊರಹೋಗುವವರ ಲಿಸ್ಟ್‌ ಈಗಾಗಲೇ ನನ್ನ ಬಳಿ ಇದೆ. ಹೋಗುವವರು ಹೋಗಲಿ. ನನ್ನ ಯಾವ ಅಭ್ಯಂತರವೂ ಇಲ್ಲ ಎಂದು ಕುಮಾರಸ್ವಾಮಿ ಹೇಳಿದ್ದಾರೆ.