ವಾಷಿಂಗ್ಟನ್‌ ಸುಂದರ್‌ಗೆ ಕೊರೊನಾ ದೃಢ – ಜಯಂತ್‌ ಯಾದವ್‌ಗೆ ಅವಕಾಶ
ಜೋಹಾನ್ಸ್‌ಬರ್ಗ್‌ : ದಕ್ಷಿಣ ಆಫ್ರಿಕಾ ಪ್ರವಾಸದಲ್ಲಿರುವ ಭಾರತ ತಂಡಕ್ಕೆ ಒಂದಿಲ್ಲೊಂದು ಸಮಸ್ಯೆಗಳು ಎದುರಾಗ್ತಿವೆ. ತಂಡಕ್ಕೆ ತೀವ್ರ ಹಿನ್ನೆಡೆ ಉಂಟಾಗ್ತಿದೆ. ಈಗ ವಾಷಿಂಗ್ಟನ್‌ ಸುಂದರ್‌ ಅವರಿಗೆ ಕೊರೊನಾ ದೃಢವಾಗಿದೆ. ನೆನ್ನೆ ಮಂಗಳವಾರ ಕೊರೊನಾ ದೃಢವಾಗಿರುವ ಕಾರಣ ಅವರನ್ನು ಏಕದಿನ ತಂಡದಿಂದ ಕೈ ಬಿಡಲಾಗಿದೆ.
ಇನ್ನು ವಾಷಿಂಗ್ಟನ್‌ ಸುಂದರ್‌ ಅವರ ಬದಲಿಗೆ ಜಯಂತ್‌ ಯಾದವ್‌ ಅವರಿಗೆ ಅವಕಾಶ ದೊರೆತಿದ. ಬಿಸಿಸಿಐ ಜಯಂತ್‌ ಯಾದವ್‌ ಅವರನ್ನು ತಂಡದ ಜೊತೆಯೇ ಇರುವಂತೆ ಸೂಚಿಸಿದೆ. ಜಯಂತ್‌ ಯಾದವ್‌ ಅವರನ್ನು ಕೇವಲ ಟೆಸ್ಟ್‌ ಪಂದ್ಯಗಳಿಗಾಗಿ ದ.ಆಫ್ರಿಕಾಗೆ ಕಳುಹಿಸಲಾಗಿತ್ತು. ಈಗ ಸುಂದರ್‌ ಅವರ ಅನುಪಸ್ಥಿತಿಯಲ್ಲಿ ಯಾದವ್‌ ಅವರಿಗೆ ಉಪಯೋಗವಾಗಿದೆ.
ಗಾಯದ ಸಮಸ್ಯೆಯಿಂದ ಸುಂದರ್‌ ಬಳಲುತ್ತಿದ್ದು ಅಂತಾರಾಷ್ಟ್ರೀಯ ಕ್ರಿಕೆಟ್‌ ಇಂದ ದೂರ ಉಳಿದಿದ್ದರು. ಈಗ ಕೋವಿಡ್‌ ಕಾರಣದಿಂದ ಮತ್ತೊಮ್ಮೆ ಹಿನ್ನೆಡೆ ಉಂಟಾಗಿದೆ.
