ಕುಡಿದ ಮತ್ತಿನಲ್ಲಿ ಸ್ನೇಹಿತನನ್ನೇ ಕೊಂದ ಕಿರಾತಕರು

ಗುರುಗಾಂವ್:‌ ಕುಡಿದ ಮತ್ತಿನಲ್ಲಿ ನೀನು ಅನ್ಯಕೋಮಿನವನು ಎಂದು ಹಿಗ್ಗಾಮುಗ್ಗ ಹೊಡೆದು ಸ್ನೇಹಿತನನ್ನೇ ಕೊಂದ ಘಟನೆ ಗುರುಗಾಂವ್‌ನ ಪಲ್ವಾಲ್‌ ಎಂಬಲ್ಲಿ ನಡೆದಿದೆ. ಈ ಸಂಬಂಧ ಮೂವರು ಆರೋಪಿಗಳನ್ನು ಕೂಡಾ ಪೊಲೀಸರು ಬಂಧಿಸಿದ್ದಾರೆ. ನಡೆದಿದ್ದಷ್ಟೇ ರಾಹುಲ್ ಖಾನ್, ಆಕಾಶ್ ಅಲಿಯಾಸ್ ದಿಲ್ವಾಜೆ, ವಿಶಾಲ್, ಕಲುವಾ ನಾಲ್ವರು ಸ್ನೇಹಿತರು. ನಿನ್ನೆ ಹೋಶಂಗಾಬಾದ್‌ನಲ್ಲಿ ನಡೆದ ಮದುವೆಗೆ ನಾಲ್ವರು ಹೋಗಿದ್ದಾರೆ. ಮದುವೆ ಬಳಿಕ ನಾಲ್ವರು ಆಚೆ ಬಂದು ಎಣ್ಣೆ ಪಾರ್ಟಿ ಮಾಡಿದ್ದಾರೆ. ಈವೇಳೆ ತಮಾಷೆಗಾಗಿ ಕಲುವಾ ಎಂಬಾತನ ಮೊಬೈಲ್‌ ಅನ್ನು ರಾಹುಲ್‌ ಖಾನ್‌ ಬಚ್ಚಿಟ್ಟಿದ್ದಾನೆ. ಈ ವಿಚಾರ ತಿಳಿದು ಮೂವರು ಸೇರಿಕೊಂಡು ರಾಹುಲ್‌ ಖಾನ್‌ಗೆ ಮನಸೋ ಇಚ್ಛೆ ಕೋಲಿನಿಂದ ಥಳಿಸಿದ್ದಾರೆ. ಹೊಡೆದಾಟದ ವೇಳೆ ನೀನು ʻಮುಸ್ಲಿಂʼ ನಾವು ಹಿಂದೂಗಳು ಎಂದು ಹೇಳಿರುವ ವಿಡಿಯೋ ಈಗ ಎಲ್ಲೆಡೆ ವೈರಲ್‌ ಆಗಿದೆ. ಹೊಡೆದ ತೀವ್ರತೆಗೆ ರಾಹುಲ್‌ ಖಾನ್‌ ರಕ್ತಸಿಕ್ತವಾಗಿ ಕುಸಿದು ಬಿದ್ದಿದ್ದಾನೆ.

ಇದರಿಂದ ತಪ್ಪಿಸಿಕೊಳ್ಳುವ ಸಲುವಾಗಿ ರಾಹುಲ್‌ಗೆ ಅಪಘಾಟತವಾಗಿದೆ ಎಂದು ಹುಸಿ ಕರೆ ಮಾಡಿ ತಿಳಿಸಿದ್ದಾರೆ. ಈ ಬಗ್ಗೆ ಖಾನ್‌ ಕುಟುಂಬಸ್ಥರು ಚಂದುತ್‌ ಪೊಲೀಸ್‌ ಠಾಣೆಯಲ್ಲಿ ಅಪರಿಚಿತ ವಾಹನವೊಂದು ರಾಹುಲ್ ಮೋಟಾರ್‍ ಸೈಕಲ್‍ಗೆ ಡಿಕ್ಕಿ ಹೊಡೆದು ಸಾವನ್ನಪ್ಪಿದ್ದಾರೆ ಎಂದು ಎಫ್‍ಐಆರ್ ದಾಖಲು ಮಾಡಿದ್ದಾಗಿ ರಾಹುಲ್‌ ತಂದೆ ಹೇಳಿದ್ದಾರೆ. ಘಟನೆ ಬಳಿಕ ರಾಹುಲ್‌ನನ್ನು ಮನೆಗೆ ಕರೆದೊಯ್ದಾಗ ಪ್ರಜ್ಞಾಹೀನ ಸ್ಥಿತಿಯಲ್ಲಿದ್ದ. ನಂತರ ಅವನನ್ನು ಸ್ಥಳೀಯ ಆಸ್ಪತ್ರೆಗೆ ದಾಖಲು ಮಾಡಲಾಯಿತು. ಚಿಕಿತ್ಸೆ ಸಮಯದಲ್ಲಿ ತನಗೆ ಹೊಡೆದಿದ್ದಾರೆ ಎಂದು ಸಹೋದರಿ ಬಳಿ ಹೇಳಿಕೊಂಡಿದ್ದಾನೆ, ಡಿಸೆಂಬರ್ 15ರಂದು ಬೆಳಗ್ಗೆ ವಿಡಿಯೋ ವೈರಲ್ ಆದ ಬಳಿಕ ಕೊಲೆಯ ದೂರು ದಾಖಲಿಸಿದ್ದೇವೆ ಎಂದು ಖಾನ್‌ ಪೋಷಕರು ತಿಳಿಸಿದ್ರು.