ರಾತ್ರಿ ಮಗುವಿನ ಅಂತ್ಯಸಂಸ್ಕಾರ; ಬೆಳಗ್ಗೆ ತೊಟ್ಟಿಲಲ್ಲಿ ಮಗು!

ಬೀದರ್; ಅನಾರೋಗ್ಯದಿಂದ ಒಂದೂವರೆ ವರ್ಷದ ಮಗು ಮೃತಪಟ್ಟಿತ್ತು.. ರಾತ್ರಿ ಅಂತ್ಯಸಂಸ್ಕಾರವು ನಡೆದಿತ್ತು.. ಆದ್ರೆ ಬೆಳಗ್ಗೆ ಎದ್ದು ನೋಡಿದರೆ ಮಗುವಿನ ದೇಹ ಉಯ್ಯಾಲೆಯಲ್ಲಿ ಇತ್ತು.. ಈ ಘಟನೆ ನಡೆದಿರೋದು ಬೀದರ್ ಜಿಲ್ಲೆ ಬಸವಕಲ್ಯಾಣ ತಾಲೂಕಿನ ಮಂಠಾಳ ಗ್ರಾಮದಲ್ಲಿ.. ಈ ದೃಶ್ಯ ನೋಡಿ ಜನ ಬೆಚ್ಚಿಬಿದ್ದಿದ್ದಾರೆ..

  ಮಂಠಾಳ ಗ್ರಾಮದ ಅಂಬಯ್ಯಸ್ವಾಮಿಯವರ ಒಂದೂವರೆ ವರ್ಷದ ಮಗಳು ದೀಪ್ತಿ ಅನಾರೋಗ್ಯದಿಂದ ಜೂನ್ 29ರ ಸಂಜೆ ಸಾವನ್ನಪ್ಪಿದ್ದಳು. ಈ ಹಿನ್ನೆಲೆಯಲ್ಲಿ ಕುಟುಂಬಸ್ಥರು ತಡರಾತ್ರಿ ಮಗುವಿನ ಅಂತ್ಯಸಂಸ್ಕಾರ ಮಾಡಿದ್ದರು. ಆದರೆ ಮರುದಿನ ಬೆಳಗ್ಗೆ ಮರಕ್ಕೆ ಕಟ್ಟಿದ್ದ ಉಯ್ಯಾಲೆಯಲ್ಲಿ ಮಗುವಿನ ಮೃತದೇಹ ಕಾಣಿಸಿಕೊಂಡಿದೆ. ಇದರಿಂದ ಮಗುವಿನ ಪೋಷಕರು ಹಾಗೂ ಗ್ರಾಮಸ್ಥರು ಆತಂಕಗೊಂಡಿದ್ದಾರೆ..

  ಮಗುವನ್ನು ಗುಂಡಿಯಿಂದ ಯಾರು ತೆಗೆದರು ಎಂಬುದರ ಬಗ್ಗೆ ಚರ್ಚೆ ನಡೆಯುತ್ತಿದೆ.