ಮೊಬೈಲ್‌ ಟವರ್‌ನಿಂದ ಕಬ್ಬಿಣದ ರಾಡ್‌ ಬಿದ್ದು ಯುವತಿಗೆ ಗಂಭೀರ ಗಾಯ!
ಕಲಬುರಗಿ; ಮನೆಯ ಪಕ್ಕ ಇದ್ದ ಮೊಬೈಲ್‌ ಟವರ್‌ನ ಕಬ್ಬಿಣದ ರಾಡ್‌ ಒಂದು ಕಳಚಿಬಿದ್ದು ಯುವತಿಯೊಬ್ಬಳು ತೀವ್ರವಾಗಿ ಗಾಯಗೊಂಡಿರುವ ಘಟನೆ ನಡೆದಿದೆ.. ಕಲಬುರಗಿ ಜಿಲ್ಲೆ ಚಿತ್ತಾಪುರ ತಾಲ್ಲೂಕಿನ ಲಾಡ್ಲಾಪುರ ಗ್ರಾಮದಲ್ಲಿ ಈ ಘಟನೆ ನಡೆದಿದೆ.. 19 ವರ್ಷದ ಯುವತಿ ಸುಮಾ ಮಲ್ಕಂಡಿ ಎಂಬಾಕೆ ಮನೆಯ ಮುಂದೆ ನಿಂತಿದ್ದಳು.. ಈ ವೇಳೆ ಪಕ್ಕದಲ್ಲೇ ಇದ್ದ ಮೊಬೈಲ್‌ ಟವರ್‌ನಿಂದ ರಾಡ್‌ ಕಳಚಿಬಿದ್ದಿದೆ..
ಸುಮಾರು 120 ಅಡಿ ಎತ್ತರಿಂದ ಕಳಚಿದ ರಾಡ್‌ ನೇರವಾಗಿ ಯುವತಿ ಸುಮಾ ಮಾಲ್ಕಂಡಿ ಮೇಲೆ ಬಿದ್ದಿದೆ.. ಇದರಿಂದಾಗಿ ಆಕೆ ಗಂಭೀರವಾಗಿ ಗಾಯಗೊಂಡಿದ್ದು, ಆಕೆಯನ್ನು ಗುಲ್ಬರ್ಗಾದ ಆಸ್ಪತೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿದೆ.. BSNL ಅಧಿಕಾರಿಗಳ ವಿರುದ್ಧ ಎಫ್ಐಆರ್ ದಾಖಲಿಸಲಾಗಿದೆ.
