ಮೇಣದ ಬತ್ತಿ ಬೆಳಕಲ್ಲಿ ಬೈಕ್‌ಗೆ ಪೆಟ್ರೋಲ್‌ ಹಾಕುವಾಗ ದುರಂತ; ಯುವತಿ ಸಾವು!
ತುಮಕೂರು; ರಾತ್ರಿ ವೇಳೆ ಬೊಂಬತ್ತಿ ಬೆಳಕಲ್ಲಿ ಬೈಕ್‌ ಗೆ ಪೆಟ್ರೋಲ್‌ ಹಾಕುವಾಗ ಬೆಂಕಿ ಹೊತ್ತಿಕೊಂಡು ಯುವತಿ ಸಾವನ್ನಪ್ಪಿರುವ ಘಟನೆ ತುಮಕೂರು ಜಿಲ್ಲೆಯಲ್ಲಿ ನಡೆದಿದೆ. ಕುಣಿಗಲ್ ತಾಲೂಕು ಕಟ್ಟಿಗೇಹಳ್ಳಿ ಗ್ರಾಮದ ಲಕ್ಷ್ಮಣ ಅವರ ಮಗಳು ಸೌಂದರ್ಯ(16) ಎಂಬಾಕೆಯೇ ಸಾವನ್ನಪ್ಪಿದಾಕೆ.
ಸೌಂದರ್ಯ ಅವರು ಮಹಾತ್ಮ ಗಾಂಧಿ ಪದವಿ ಪೂರ್ವ ಕಾಲೇಜಿನಲ್ಲಿ ಹತ್ತನೇ ತರಗತಿ ಓದುತ್ತಿದ್ದಳು. ಗ್ರಾಮದ ಅವರ ಮನೆಯಲ್ಲಿಯೇ ಅಂಗಡಿ ಇದ್ದು, ವಿದ್ಯುತ್‌ ಇಲ್ಲದಿದ್ದರಿಂದ ಮೊಂಬತ್ತಿ ಹಚ್ಚಿಡಲಾಗಿತ್ತು. ಇದೇ ವೇಳೆ ಕ್ಯಾನ್‌ ಮೂಲಕ ಸೌಂದರ್ಯ ಬೈಕ್‌ಗೆ ಪೆಟ್ರೋಲ್‌ ಹಾಕಲು ಹೋಗಿದ್ದಾಳೆ. ಇದೇ ವೇಳೆ ಇದ್ದಕ್ಕಿದ್ದಂತೆ ವಿದ್ಯುತ್‌ ಬಂದಿದೆ. ಈ ವೇಳೆ ಗಾಬರಿಗೊಂಡು ಸೌಂದರ್ಯ, ಪೆಟ್ರೋಲ್‌ ಕ್ಯಾನ್‌ ಕೆಳಗೆ ಬಿಟ್ಟಿದ್ದಾಳೆ. ಅದು ಮೊಂಬಿತ್ತಿಗೂ ತಾಗಿದೆ. ಇದರಿಂದ ಅಂಗಡಿ ಪೂರ್ತಿ ಬೆಂಕಿ ಹತ್ತಿದೆ. ಸೌಂದರ್ಯ ಕೂಡಾ ತೀವ್ರವಾಗಿ ಸುಟ್ಟು ಗಾಯಗೊಂಡಿದ್ದಳು. ಆಕೆಯನ್ನು ಬೆಂಗಳೂರಿನ ವಿಕ್ಟೋರಿಯಾ ಆಸ್ಪತ್ರೆಗೆ ಸೇರಿಸಲಾಗಿತ್ತು. ಆದ್ರೆ ಚಿಕಿತ್ಸೆ ಫಲಕಾರಿಯಾದೆ ಸಾವನ್ನಪ್ಪಿದ್ದಾಳೆ.
