ಸಾವು ಗೆದ್ದು ಬಂದ ಸಾತ್ವಿಕ್; ಬೋರ್ ವೆಲ್ ನಿಂದ ಹೊರಬಂದ ಬಾಲಕ

ವಿಜಯಪುರ; ನಿನ್ನೆ ಸಂಜೆ ಬೋರ್ ವೆಲ್ ಗೆ ಬಿದ್ದಿದ್ದ 2 ವರ್ಷದ ಮಗು ಸಾತ್ವಿಕ್ ನನ್ನು ರಕ್ಷಣೆ ಮಾಡಲಾಗಿದೆ.. ಮಗು ಸಾತ್ವಿಕ್ 18 ಗಂಟೆಗಳ ನಂತರ ಜೀವಂತವಾಗಿ ಹೊರಬಂದಿದ್ದಾನೆ. ನಿನ್ನೆ ನಡೆಯುತ್ತಿದ್ದ ಸಾವಿರಾರು ಜನರ ಪ್ರಾರ್ಥನೆ ಫಲಿಸಿದೆ.

ವಿಜಯಪುರ ಜಿಲ್ಲೆಯ ಇಂಡಿ ತಾಲೂಕಿನ ಲಚ್ಯಾಣ ಗ್ರಾಮದ ಹೊಲದಲ್ಲಿದ್ದ ಬೋರ್ ವೆಲ್ ನಲ್ಲಿ 2 ವರ್ಷದ ಮಗು ಬಿದ್ದಿತ್ತು. ನಿನ್ನೆ ಸಂಜೆಯಿಂದ ಎಸ್‌ಡಿಆರ್‌ಎಫ್‌, ಎನ್‌ಡಿಆರ್‌ಎಫ್ ತಂಡಗಳು ನಿನ್ನೆಯಿಂದ ನಿರಂತರ ಕಾರ್ಯಾಚರಣೆ ನಡೆಸಿದ್ದವು.

ನಿನ್ನೆ ಸಂಜೆ 6 ಗಂಟೆ ಸುಮಾರಿಗೆ ಮಗು ಬೋರ್ ವೆಲ್ ಗೆ ಬಿದ್ದಿತ್ತು. ಸುಮಾರು 18 ಗಂಟೆಗಳ ಕಾಲ‌ ಜೀವನ್ಮರಣ ಹೋರಾಟ ನಡೆಸಿತ್ತು.  ಮಗುವನ್ನು ಹೊರ ತೆಗೆದ ತಕ್ಷಣ ಮಗುವಿಗೆ ಪ್ರಥಮ ಚಿಕಿತ್ಸೆ ನೀಡಲಾಗಿದೆ. ನಂತರ ಆಂಬುಲೆನ್ಸ್‌ನಲ್ಲಿ ಮಗುವನ್ನು ಇಂಡಿ ತಾಲೂಕು ಆಸ್ಪತ್ರೆಗೆ ದಾಖಲಿಸಲಾಗಿದೆ.