ಬಿಎಂಟಿಸಿ ಡಿಪೋಗೆ ಸರ್ಪೈಸ್‌ ವಿಸಿಟ್‌ ಕೊಟ್ಟ ಸೂಪರ್‌ ಸ್ಟಾರ್‌ ರಜನಿಕಾಂತ್‌
ಬೆಂಗಳೂರು; ಸೂಪರ್‌ ಸ್ಟಾರ್‌ ರಜಿನಿಕಾಂತ್‌ ಅವರು ನಟರಾಗುವ ಮೊದಲು ಬೆಂಗಳೂರಿನಲ್ಲಿ ಬಿಎಂಟಿಸಿ ಕಂಡಕ್ಟರ್‌ ಆಗಿದ್ದರು. ಹೀಗಾಗಿ ಅವರಿಗೆ ಬೆಂಗಳೂರಂದ್ರೆ ಬಹಳ ಪ್ರೀತಿ. ಅದಕ್ಕಾಗಿ ಅವರು ಆಗಾಗ ಬೆಂಗಳೂರಿಗೆ ಬರುತ್ತಿರುತ್ತಾರೆ. ಮಾರುವೇಷದಲ್ಲೂ ತಿರುಗಾಡುತ್ತಾರೆಂಬ ಮಾತಿದೆ. ಆದ್ರೆ ವಿಶೇಷ ರಜಿನಿಕಾಂತ್‌ ಎಲ್ಲರಿಗೂ ಸಪ್ರೈಸ್‌ ಕೊಟ್ಟಿದ್ದಾರೆ. ಅವರು ಜಯನಗರ ಬಿಎಂಟಿಸಿ ಡಿಪೋ ಸರ್ಪೈಸ್‌ ವಿಸಿಟ್‌ ಕೊಟ್ಟಿದ್ದು, ಬಿಎಂಟಿಸಿ ನೌಕರರು ಅವರನ್ನು ನೋಡಿ ಫುಲ್‌ ಖುಷ್‌ ಆಗಿದ್ದಾರೆ.
ಬಸ್‌ ಡಿಪೋಗೆ ಭೇಟಿ ನೀಡಿದ ತಲೈವಾ, ಅಲ್ಲಿ ಸಿಬ್ಬಂದಿ, ಡ್ರೈವರ್‌ಗಳು, ಕಂಡಕ್ಟರ್‌ಗಳ ಜೊತೆ ಮಾತುಕತೆ ನಡೆಸಿದ್ದಾರೆ. ರಜಿನಿಕಾಂತ್‌ ಅವರು ಜಯನಗರ ಡಿಪೋದಲ್ಲೇ ಕೆಲಸ ಮಾಡುತ್ತಿದ್ದರಂತೆ. ಹೀಗಾಗಿ ಅವರು ಅಲ್ಲಿಗೆ ಸರ್ಪೈಸ್‌ ವಿಸಿಟ್‌ ಕೊಟ್ಟಿದ್ದಾರೆ. ಅನಂತರ ಅವರು ಬಸವನಗುಡಿಯ ರಾಘವೇಂದ್ರ ಸ್ವಾಮಿ ಸನ್ನಿಧಿಗು ಭೇಟಿ ನೀಡಿ ವಿಶೇಷ ಪೂಜೆ ಸಲ್ಲಿಸಿದ್ದಾರೆ.
