ನಟ ಜಗ್ಗೇಶ್‌ ಪಾದದ ಮೂಳೆ ಮುರಿತ; ಏನಾಯ್ತು ಗೊತ್ತಾ..?
ಬೆಂಗಳೂರು; ನಟ ಹಾಗೂ ರಾಜ್ಯಸಭಾ ಸದಸ್ಯ ಜಗ್ಗೇಶ್‌ ತಮ್ಮ ಕಾಲು ಮುರಿದುಕೊಂಡಿದ್ದಾರೆ. ಅವರ ಕಾಲಿನ ಪಾದದ ಮೂಳೆ ಮುರಿದಿದ್ದು, ಕಾಲಿಗೆ ಬ್ಯಾಂಡೇಜ್‌ ಹಾಕಿಸಿಕೊಂಡಿದ್ದಾರೆ.
ಅವರೇ ಅದರ ಫೋಟೋವನ್ನು ಸೋಷಿಯಲ್‌ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ಅಚಾತುರ್ಯದಿಂದ ನಡೆದಿದ್ದರಿಂದ ನಾನು ಕಾಲು ಮುರಿದುಕೊಂಡಿದ್ದೇನೆ. ಇದರಿಂದಾಗಿ ಆರು ವಾರಗಳ ದಿಗ್ಬಂಧನ ನನಗೆ ಎಂದು ಹೇಳಿಕೊಂಡಿದ್ದಾರೆ.
ವೈದ್ಯರು ಆರು ವಾರ ವಿಶ್ರಾಂತಿ ಪಡೆಯಿರಿ ಎಂದು ಹೇಳಿದ್ದಾರೆ. ಹೀಗಾಗಿ ಜಗ್ಗೇಶ್‌ ಆರು ವಾರ ಮನೆಯಲ್ಲೇ ಇರಲಿದ್ದಾರಂತೆ. ಬೇಗ ಗುಣಮುಖರಾಗಲಿ ಎಂದು ಅಭಿಮಾನಿಗಳು ಹಾರೈಸಿದ್ದಾರೆ.
