ಅಲಿಯಾ ಭಟ್‌ : 15 ನಿಮಿಷದ ಪಾತ್ರ – 5 ಕೋಟಿ ರೂಪಾಯಿ ಸಂಭಾವನೆ..!
ರಾಜಮೌಳಿ ನಿರ್ದೇಶನ ಆರ್‌ಆರ್‌ಆರ್‌ ಸಿನಿಮಾ ತೆರೆಗೆ ಬರಲು ರೆಡಿಯಾಗಿದೆ. 2022ರ ಜನವರಿ ತಿಂಗಳಲ್ಲಿ ಆರ್‌ಆರ್‌ಆರ್‌ ಸಿನಿಮಾ ಪ್ರಪಂಚದಾದ್ಯಂತ ಏಕಾಕಾಲದಲ್ಲಿ ಬಿಡುಗಡೆಯಾಗಲಿದೆ. ಈಗಾಗಲೇ ಚಿತ್ರದ ಪ್ರಮೋಷನ್‌ ಭರ್ಜರಿಯಾಗಿ ನಡೆಯುತ್ತಿದೆ. ಹೀಗಿರುವಾಗಲೇ ಆರ್‌ಆರ್‌ಆರ್‌ ಚಿತ್ರದಲ್ಲಿ ಕೇವಲ 15 ನಿಮಿಷ ಕಾಣಿಸಿಕೊಂಡಿರುವ ನಟಿ ಅಲಿಯಾ ಭಟ್‌ ಸಂಭಾವನೆ ವಿಚಾರ ಹೆಚ್ಚು ಸದ್ದು ಮಾಡುತ್ತಿದೆ.
ಬಾಲಿವುಡ್‌ನಲ್ಲಿ ಬ್ಯುಸಿ ನಟಿಯಾಗಿರುವ ಅಲಿಯಾ ಭಟ್‌ ಒಂದು ಸಿನಿಮಾದಲ್ಲಿ ನಟಿಸಲು 9 ಕೋಟಿ ರೂಪಾಯಿ ಸಂಭಾವನೆ ಪಡೆಯುತ್ತಾರೆ. ಒಮ್ಮೊಮ್ಮೆ ಅದಕ್ಕಿಂತಲೂ ಹೆಚ್ಚಿರುತ್ತದೆ. ಆದರೆ, ಇಷ್ಟು ಸಂಭಾವನೆ ಪಡೆಯಬೇಕೆಂದರೆ ಕನಿಷ್ಠ 2 ತಿಂಗಳು ಕಾಲ್‌ ಶೀಟ್‌ ನೀಡಿರುತ್ತಾರೆ. ಆದರೆ ಆರ್‌ಆರ್‌ಆರ್‌ ಸಿನಿಮಾದಲ್ಲಿ ಅಲಿಯಾ ಭಟ್‌ ಒಂದು ಸಣ್ಣ ಪಾತ್ರ ನಿಭಾಯಿಸಿದ್ದಾರೆ. ಇದಕ್ಕಾಗಿ ಅವರು ನೀಡಿದ್ದದ್ದು ಕೇವಲ 10 ದಿನಗಳ ಕಾಲ್‌ ಶೀಟ್‌. ಇದಕ್ಕಾಗಿ ಅವರು ಪಡೆದ ಸಂಭಾವನೆ ದೊಡ್ಡ ಮೊತ್ತದ್ದೆಂದು ಹೇಳಲಾಗುತ್ತಿದೆ.
ಮೂಲಗಳ ಪ್ರಕಾರ ಅಲಿಯಾ ಭಟ್‌, ಒಂದು ದಿನದ ಸಂಭಾವನೆಯಾಗಿ 50 ಲಕ್ಷ ರೂಪಾಯಿ ಪಡೆದಿದ್ದಾರಂತೆ. ಅಂದರೆ ಹತ್ತು ದಿನಕ್ಕೆ 5 ಕೋಟಿ ರೂಪಾಯಿ ಆಗುತ್ತದೆ.
