ಅಜ್ಜಿ ಇಂದಿರಾ ಹಾದಿಯಲ್ಲಿ ಪ್ರಿಯಾಂಕಾ; ಶೃಂಗೇರಿ ಶಾರದಾಂಬೆ ದರ್ಶನ ಪಡೆದ ನಾಯಕಿ

ಚಿಕ್ಕಮಗಳೂರು; ಅದು 1978ರ ಸಮಯ… ಇಂದಿರಾಗಾಂಧಿ ಕರ್ನಾಟಕದಲ್ಲಿ ಅದೃಷ್ಟ ಪರೀಕ್ಷೆಗಿಳಿದಿದ್ದರು. ಚಿಕ್ಕಮಗಳೂರು ಲೋಕಸಭಾ ಕ್ಷೇತ್ರದಿಂದ ಅವರು ಕಣಕ್ಕಿಳಿದಿದ್ದರು. ಈ ವೇಳೆ ಅವರು ಶೃಂಗೇರಿ ದೇಗುಲಕ್ಕೆ ಭೇಟಿ ನೀಡಿ ವಿಶೇಷ ಪೂಜೆ ಸಲ್ಲಿಸಿದ್ದರು.

ಇನ್ನು 2018ರ ರಾಜ್ಯ ವಿಧಾನಸಭಾ ಚುನಾವಣೆ ವೇಳೆ ರಾಹುಲ್‌ ಗಾಂಧಿ ಕೂಡಾ ಶೃಂಗೇರಿಗೆ ಭೇಟಿ ಕೊಟ್ಟಿದ್ದರು. ಇದೀಗ ಪ್ರಿಯಾಂಕಾ ಗಾಂಧಿ ಸರದಿ. ಚುನಾವಣಾ ಪ್ರಚಾರಕ್ಕೆ ಆಗಮಿಸಿರುವ ಪ್ರಿಯಾಂಕಾ ಗಾಂಧಿಯವರು ಶೃಂಗೇರಿ ಮಠಕ್ಕೆ ಭೇಟಿ ಕೊಟ್ಟಿದ್ದರು. ಶಾರದಾಂಬೆ ದರ್ಶನ ಪಡೆದರು.

ಶ್ರೀಗಳ ಆಶೀರ್ವಾದ ಪಡೆದುಕೊಂಡು ಪ್ರಿಯಾಂಕಾ ಗಾಂಧಿಗೆ ಶ್ರೀಗಳು ಶಾರದಾಂಬೆಯ ಮೂರ್ತಿ ನೀಡಿ ಶುಭ ಹಾರೈಸಿದರು. ಇನ್ನು ದೇಗುಲದ ಆವರಣದಲ್ಲಿದ್ದ ಆನೆಗಳನ್ನು ನೋಡಿ ಪ್ರಿಯಾಂಕಾ ಗಾಂಧಿ ಪುಳಕಿತರಾದವರು. ಎರಡೂ ಆನೆಗಳಿಗೆ ಹಣ್ಣುಗಳನ್ನು ತಿನ್ನಿಸಿದರು.