ಶತ್ರುನಾಶಕ್ಕಾಗಿ ಹೆಚ್ಡಿಕೆ ತೋಟದಲ್ಲಿ ನಾಳೆಯಿಂದ 11 ದಿನ ಆಯುತ ಚಂಡಿ ಯಾಗ..!

ರಾಮನಗರ; ಶತ್ರು ನಾಶ ಹಾಗೂ ಶತ್ರು ಪರಾಜಯಕ್ಕಾಗಿ ಬಿಡದಿಯ ಮಾಜಿ ಸಿಎಂ ಕುಮಾರಸ್ವಾಮಿಯವರ ತೋಟದಲ್ಲಿ ನಾಳೆಯಿಂದ ಹನ್ನೊಂದು ದಿನಗಳ ಕಾಲ ಆಯುತ ಚಂಡಿ ಯಾಗ ನಡೆಸಲಾಗುತ್ತದೆ ಎಂದು ತಿಳಿದುಬಂದಿದೆ. ಇದಕ್ಕಾಗಿ ಈಗಾಗಲೇ ಸಕಲ ಸಿದ್ಧತೆಗಳು ನಡೆದಿವೆ.

ಸಪ್ತಶತಿ ೧೩ ಅಧ್ಯಾಯಗಳ ೭೦೦ ಮಂತ್ರಗಳ ಪಠಣ ಮಾಡಲಾಗುತ್ತದೆ. ೧೦೧೦೦ ಬಾರಿ ದುರ್ಗಾ ಸಪ್ತಶತಿ ಪಾರಾಯಣ ಮಾಡಲಾಗುತ್ತದೆ ಎಂದು ತಿಳಿದುಬಂದಿದೆ. ಸುಮಾರು ‌೩೫೦ ಋತ್ವಿಜರಿಂದ ಹನ್ನೊಂದು ದಿನಗಳ ಕಾಲ ನಿರಂತ ಪಾರಾಯಣ ಮಾಡಲಿದ್ದಾರೆ. ಇದಕ್ಕಾಗಿ 11 ಪ್ರತ್ಯೇಕ ಹೋಮಕುಂಡಗಳನ್ನು ಸಿದ್ಧಪಡಿಸಲಾಗಿದೆ. ರಾಜ್ಯದ ಸೌಹಾರ್ದತೆ, ಜೆಡಿಎಸ್‌ ಕಾರ್ಯಕರ್ತರ ಆರೋಗ್ಯ ವೃದ್ಧಿ ಹಾಗೂ ಗೆಲುವಿಗಾಗಿ ಈ ಯಾಗ ನಡೆಸಲಾಗುತ್ತಿದೆ ಎಂದು ಹೇಳಲಾಗುತ್ತಿದೆ.

ಗೌಡರ ಕುಟುಂಬಕ್ಕೂ ತೆಲಂಗಾಣ ಸಿಎಂ ಕೆ.ಸಿ.ಚಂದ್ರಶೇಖರರಾವ್‌ ಅವರಿಗೂ ಸ್ನೇಹ ಇದೆ. ಕೆಸಿಆರ್‌ ಅವರು ಈ ಹಿಂದೆ ಇಂತಹದ್ದೇ ಯಾಗ ಮಾಡಿದ್ದರು. ಕೆಸಿಆರ್‌ ಅವರು ಸೂಚಿಸಿದ್ದರಿಂದ ಹೆಚ್ಡಿಕೆ ಅವರು ಈ ಯಾಗ ಮಾಡಿಸುತ್ತಿರಬಹುದು ಎಂದು ಹೇಳಲಾಗಿದೆ.