ದಲಿತ ಯುವಕನ ಆತ್ಮಹತ್ಯೆ ಪ್ರಕರಣ; ನಾಲ್ವರು ಆರೋಪಿಗಳು ಅರೆಸ್ಟ್
ನಂಗಲಿ; ಕೋಲಾರ ಜಿಲ್ಲೆ ಬೇವಹಳ್ಳಿ ಗ್ರಾಮದ ದಲಿತ ಯುವಕ ಉದಯ್‌ ಕಿರಣ್‌ ಆತ್ಮಹತ್ಯೆ ಪ್ರಕರಣದ ಎಲ್ಲಾ ನಾಲ್ವರೂ ಆರೋಪಿಗಳನ್ನೂ ಪೊಲೀಸರು ಬಂಧಿಸಿದ್ದಾರೆ. ಉದಯ್‌ ಕಿರಣ್‌ ಆತ್ಮಹತ್ಯೆ ಹಿನ್ನೆಲೆಯಲ್ಲಿ ಮುನಿವೆಂಕಟಪ್ಪ ಎಂಬಾತನನ್ನು ಬಂಧಿಸಲಾಗಿತ್ತು. ಆದ್ರೆ ಉಳಿದ ಆರೋಪಿಗಳು ತಲೆಮರೆಸಿಕೊಂಡಿದ್ದರು. ಇಂದು ಆವರನ್ನು ಕೂಡಾ ಪೆತ್ಲಾಂಡ್ಲಹಳ್ಳಿಯಲ್ಲಿ ಬಂಧಿಸಲಾಗಿದೆ.
ರಾಜು, ಶಿವರಾಜ್‌ ಹಾಗೂ ಗೋಪಾಲಕೃಷ್ಣ ಬಂದಿತ ಆರೋಪಿಗಳು. ಬೈಕ್‌ ಓವರ್‌ ಟೇಕ್‌ ಮಾಡಿದ ಎಂಬ ಕಾರಣಕ್ಕೆ ಸವರ್ಣೀಯರು ಉದಯ್‌ ಕಿರಣ್‌ನನ್ನು ಥಳಿಸಿದ್ದರು. ಇದರಿಂದ ಬೇಸತ್ತು ಉದಯ್‌ ಕಿರಣ್‌ ನೇಣಿಗೆ ಶರಣಾಗಿದ್ದ.
