ಆಶ್ರಮದಲ್ಲಿ ಮಹಿಳೆ ಮೇಲೆ ಅತ್ಯಾಚಾರ; ದೂರು ದಾಖಲು

ಲಕ್ನೋ; ದೇವಾಲಯಕ್ಕೆ ಸೇರಿದ ಆಶ್ರಮ ಒಂದರಲ್ಲಿ 52 ವರ್ಷದ ಮಹಿಳೆ ಮೇಲೆ ಅತ್ಯಾಚಾರ ಎಸಗಿರುವ ಘಟನೆ ಉತ್ತರ ಪ್ರದೇಶದ ಲಕ್ನೋದ ಗೋಮತಿ ನಗರದಲ್ಲಿ ನಡೆದಿದೆ. 

ಅಕ್ಟೋಬರ್‌ 4ರಂದು ಈ ಕೃತ್ಯ ಎಸಗಲಾಗಿದ್ದು, ಇದೀಗ ಮಹಿಳೆ ಪೊಲೀಸರಿಗೆ ದೂರು ನೀಡಿದ್ದಾಳೆ. ಅತ್ಯಾಚಾರಕ್ಕೊಳಗಾದ ಮಹಿಳೆ ಈ ಮೊದಲು ಮಥುರಾ ಆಶ್ರಮದಲ್ಲಿದ್ದರು. ಆದ್ರೆ ಸನ್ಯಾಸಿನಿಯೊಬ್ಬರ ಸೂಚನೆಯಂತೆ ಇತ್ತೀಚೆಗೆ ಲಕ್ನೋದ ಆಶ್ರಮಕ್ಕೆ ಬಂದಿದ್ದರು ಎಂದು ತಿಳಿದುಬಂದಿದೆ. ಆದ್ರೆ ಆ ಸನ್ಯಾಸಿನಿ ಕೆಲಸದ ಕಾರಣ ವಾರಾಣಸಿಗೆ ಹೋಗಿದ್ದು, ಈ ಸಮಯದಲ್ಲಿ ಒಬ್ಬಂಟಿಯಾಗಿದ್ದ ಮಹಿಳೆ ಮೇಲೆ ಅತ್ಯಾಚಾರ ಎಸಗಲಾಗಿದೆ.

ಕೆಲ ಕಾಮುಕರು ಊಟದಲ್ಲಿ ಮತ್ತು ಬರೋ ವಸ್ತು ಹಾಕಿ, ಆಕೆಗೆ ನೀಡಿ ಪ್ರಜ್ಞೆ ತಪ್ಪಿಸಿದ್ದಾರೆ. ಅನಂತರ ಆಕೆ ಮೇಲೆ ಅತ್ಯಾಚಾರ ಎಸಗಿದ್ದಾರೆ. ಮಹಿಳೆಗೆ ಪ್ರಜ್ಞೆ ಬಂದಾಗ ಆಕೆ ಬೆತ್ತಲೆಯಾಗಿದ್ದಳು ಎಂದು ತಿಳಿದುಬಂದಿದೆ.