ಕೊರಿಯೊಗ್ರಾಫರ್‌ ಜಾನಿ ಮಾಸ್ಟರ್‌ಗೆ ಕಿಚ್ಚ ಬೆಲೆ ಬಾಳುವ ಗಿಫ್ಟ್: ಟ್ವೀಟ್‌ ಮಾಡಿ ಧನ್ಯವಾದ ತಿಳಿಸಿದ ಜಾನಿ ಮಾಸ್ಟರ್
ಬೆಂಗಳೂರು: ಸಿನಿಮಾ ನಟರು ತಮ್ಮೊಂದಿಗಿರುವ ಅಸಿಸ್ಟೆಂಟ್ಸ್‌, ಮ್ಯಾನೇಜರ್‌ಗಳು, ಒಡನಾಟ ಇರುವವರ ಬಗ್ಗೆ ಅತೀವ ಕಾಳಜಿ ಹೊಂದಿರುತ್ತಾರೆ. ಬೃಇ ಮಾತಿನಲ್ಲಷ್ಟೇ ಅಲ್ಲದೆ ಅವರಿ ಕಷ್ಟಗಳಿಗೆ ಸ್ಪಂದಿಸುವುದು, ಗಿಫ್ಟ್ ನೀಡುವುದು, ಅವರೊಂದಿಗೆ ಡಿನ್ನರ್‌, ಪಾರ್ಟಿ ಇವೆಲ್ಲವೂ ಸರ್ವೆ ಸಾಮಾನ್ಯ. ಈ ಪ್ರಕ್ರಿಯೆ ಎಲ್ಲಾ ಸಿನಿಮಾ ಇಂಡಸ್ಟ್ರಿಯಲ್ಲೂ ಇದೆ. ಅದರಂತೆ ಕನ್ನಡದಲ್ಲಿ ಕಿಚ್ಚ ಸುದೀಪ್ ಕೊರಿಯಾಗ್ರಾಫರ್‌ಗೆ ಮಹೇಂದ್ರ ಥಾರ್‌ ಗಿಫ್ಟ್ ಮಾಡಿದ್ದಾರೆ.
ಹೌದು ನೃತ್ಯ ನಿರ್ದೇಶಕ ಜಾನಿ ಮಾಸ್ಟರ್‌ಗೆ ಮಹೀಂದ್ರಾ ಥಾರ್‌ ಅನ್ನು ಉಡುಗೊರೆಯಾಗಿ ನೀಡಿದ್ದಾರೆ. ಈ ಬಗ್ಗೆ ಜಾನಿ ಮಾಸ್ಟರ್ ತಮ್ಮ ಟ್ವಿಟ್ಟರ್‌ ಖಾತೆಯಲ್ಲಿ ಟ್ವೀಟ್‌ ಮಾಡಿ ಧನ್ಯವಾದ ಅರ್ಪಿಸಿದ್ದಾರೆ. ಸದ್ಯ ಜಾನಿ ಮಾಸ್ಟರ್ ಸುದೀಪ್ ಅವರೊಂದಿಗೆ ವಿಕ್ರಾಂತ್‌ ರೋಣ ಸಿನಿಮಾದಲ್ಲಿ ನೃತ್ಯ ನಿರ್ದೇಶನ ಮಾಡಿದ್ದಾರೆ. ಈ ಬಗ್ಗೆ ಬಹಳ ಆತ್ಮೀಯವಾಗಿ ಜಾನಿ ಮಾಸ್ಟರ್ ಬರೆದುಕೊಂಡಿದ್ದಾರೆ.
‘ಕಿಚ್ಚ ಸುದೀಪ್ ಸರ್ ನಿಮ್ಮ ಉಡುಗೊರೆಗಾಗಿ ಧನ್ಯವಾದಗಳು. ನೀವು ನನ್ನನ್ನು ನೋಡಿಕೊಳ್ಳುವ ರೀತಿ ನಿಜಕ್ಕೂ ನನಗೆ ಖುಷಿ ನೀಡಿದೆ. ನಿಮ್ಮನ್ನು ಯಾವಾಗಲೂ ಪ್ರೀತಿಸುತ್ತೇನೆ. ನನ್ನ ಜೀವನದಲ್ಲಿ ನೀವು ಸಿಕ್ಕಿರುವುದು ನನ್ನ ಪುಣ್ಯ ಎಂದು ಬರೆದುಕೊಂಡು, ಉಡುಗೊರೆ ನೀಡಿರುವ ಕಾರಿನೊಂದಿಗೆ ಪೋಸ್‌ ನೀಡುವ ಫೋಟೋವೊಂದನು ಶೇರ್‌ ಮಾಡಿದ್ದಾರೆ ಜಾನಿ ಮಾಸ್ಟರ್.
Thank You for the Gift @KicchaSudeep sir & family ❤
The way you Treat me & Take care of me make me feel blessed ?
Will always love you Sir, Happy to have you in my life ?? pic.twitter.com/0U2Ldpv32A
— Jani Master (@AlwaysJani) March 25, 2022
ಕೇವಲ ವಿಕ್ರಾಂತ್‌ ರೋಣ ಸಿನಿಮಾ ಅಷ್ಟೇ ಅಲ್ಲ. ಅಪ್ಪು ಸರ್ ಸನೇಕ ಸಿನಿಮಾಗಳಿಗೆ ಜಾನಿ ನೃತ್ಯ ನಿರ್ದೇಶನ ಮಾಡಿದ್ದಾರೆ. ‘ರಾಜಕುಮಾರ’, ‘ನಟಸಾರ್ವಭೌಮ’, ‘ಯುವರತ್ನ’ ಸೇರಿದಂತೆ ಕೆಲ ಸಿನಿಮಾಗಳಲ್ಲಿ ಕೆಲಸ ಮಾಡಿದ್ದಾರೆ. ತೆಲುಗಿನಲ್ಲೂ ಕೆಲವು ಸೂಪರ್‌ ಹಿಟ್‌ ಹಾಡುಗಳಿಗೆ ಜಾನಿ ಮಾಸ್ಟರ್ ಕೊರಿಯಾಗ್ರಫಿ ಮಾಡಿದ್ದಾರೆ. ಸದ್ಯ ಡ್ಯಾನ್ಸ್‌ ರಿಯಾಲಿಟಿ ಶೋ ವೋಂದರಲ್ಲಿ ಜಾನಿ ಜಡ್ಜ್‌ ಆಗಿದ್ದಾರೆ.
