ಮದುವೆಗೆ 6 ತಿಂಗಳು ಸಮಯ ಕೇಳಿದ ಪ್ರಿಯಕರ; ಮನನೊಂದು ಯುವತಿ ಆತ್ಮಹತ್ಯೆ

ಹೈದರಾಬಾದ್‌: ಮದುವೆಗೆ ಇನ್ನೂ ಆರು ತಿಂಗಳು ಸಮಯ ಕೇಳಿದ್ದರಿಂದ ಮನನೊಂದ ಯುವತಿ ಪ್ರಿಯಕರನ ಚಿತ್ರ ಮತ್ತು ಡೆತ್ ನೋಟ್ ಬರೆದು ಆತ್ಮಹತ್ಯೆ ಮಾಡಿಕೊಂಡಿರುವ ಘಟನೆ ತೆಲಂಗಾಣದ ಮೆಹಬೂಬಾಬಾದ್ ಜಿಲ್ಲೆಯ ಪೆದ್ದಮುಪ್ಪರಮ್ ಗ್ರಾಮದಲ್ಲಿ ನಡೆದಿದೆ. 

ಪೆದ್ದಮುಪ್ಪರಮ್‌ ಗ್ರಾಮದ ಶಾರದಾ ಮತ್ತು ಪೊಲೆಪಲ್ಲಿ ವೆಂಕಣ್ಣ ಎಂಬ ದಂಪತಿಯ ಪುತ್ರಿಯಾದ ಶರಣ್ಯಾ (22) ಆತ್ಮಹತ್ಯೆ ಮಾಡಿಕೊಂಡ ಯುವತಿ. 10ನೇ ತರಗತಿಯವರೆಗೆ ಓದಿಕೊಂಡಿದ್ದ ಶರಣ್ಯಾ, ಟೈಲರಿಂಗ್ಆ‌ ಕೆಲಸ ಮಾಡಿಕೊಂಡಿದ್ದಳು.  ಈಕೆಗೆ ಅದೇ ಗ್ರಾಮದ ಕಾರು ಚಾಲಕನೊಬ್ಬನೊಂದಿಗೆ ಪ್ರೀತಿಯಾಗಿತ್ತು. ಆದರೆ ಆತ ಮದುವೆಯಾಗಲು ಆರು ತಿಂಗಳು ಸಮಯ ಕೇಳಿದ್ದಾನೆ. ಇದ್ರಿಂದ ಮನನೊಂದು ಶರಣ್ಯಾ ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ.