OPERATION GANGA; ಉಕ್ರೇನ್ ನೆರೆ ರಾಷ್ಟ್ರಗಳತ್ತ ಸಚಿವರು; ಇಂದು ನಾಲ್ಕು ವಿಮಾನಗಳ ಟೇಕಾಫ್‌
ನವದೆಹಲಿ: ಈಗಾಗಲೇ ಐದು ವಿಮಾನಗಳು ಭಾರತ ತಲುಪಿವೆ. ಇವತ್ತು ಮತ್ತೊಂದು ವಿಮಾನ ಭಾರತದತ್ತ ಹೊರಟಿದೆ. ಇನ್ನೂ ಮೂರು ವಿಮಾನಗಳು ಸಶಂಜೆಯೊಳಗೆ ಟೇಕಾಫ್‌ ಆಗಲಿವೆ ಎಂದು ತಿಳಿದುಬಂದಿದೆ. ಈಗಾಗಲೇ ಹಂಗೇರಿಯಿಂದ ಆರನೇ ವಿಮಾನ ಟೇಕಾಫ್‌ ಆಗಿದೆ. ಅದರಲ್ಲಿ 240 ವಿದ್ಯಾರ್ಥಿಗಳು ಭಾರತದತ್ತ ಬರುತ್ತಿದ್ದಾರೆ. ಅದು ಸಂಜೆ ಐದು ಗಂಟೆ ವೇಳೆಗೆ ದೆಹಲಿ ತಪಲಿದೆ.
ಮತ್ತೊಂದು ವಿಮಾನ ಬುಚರೆಸ್ಟ್‌ನಿಂದ ಹೊರಡಿಲಿದ್ದು ನಾಳೆ ದೆಹಲಿಗೆ ಬರಲಿದೆ ಎಂದು ಹೇಳಲಾಗುತ್ತಿದೆ. ಇದಾದ ನಂತರ ಇನ್ನೂ ಎರಡು ವಿಮಾನಗಳು ಬುಚರೆಸ್ಟ್‌ನಿಂದಲೇ ಟೇಕಾಫ್‌ ಆಗಲಿವೆ. ಈ ಮೂರೂ ವಿಮಾನಗಳ ಮೂಲಕ 800 ವಿದ್ಯಾರ್ಥಿಗಳು ಭಾರತಕ್ಕೆ ಆಗಮಿಸಲಿದ್ದಾರೆ. ಇನ್ನು ಉಕ್ರೇನ್ ನೆರೆ ರಾಷ್ಟ್ರಗಳಿಗೆ ಹೋಗಲು ಕೇಂದ್ರ ಸಚಿವರು ತಯಾರಿ ನಡೆಸಿದ್ದಾರೆ. ಕೇಂದ್ರ ಸಚಿವರಾದ ಹರದೀಪ್ ಸಿಂಗ್ ಪುರಿ, ಜ್ಯೋತಿರಾದಿತ್ಯ ಸಿಂಧಿಯಾ, ಕಿರಣ್ ರಿಜಿಜು, ವಿ.ಕೆ. ಸಿಂಗ್ ಅವರು ವಿದ್ಯಾರ್ಥಿಗಳಿಗೆ ನೆರವಾಗಲು ಉಕ್ರೇನ್ ನೆರೆ ದೇಶಗಳಿಗೆ ತೆರಳಲಿದ್ದಾರೆ ಎಂದು ಕೇಂದ್ರ ಸರ್ಕಾರದ ಮೂಲಗಳು ತಿಳಿಸಿವೆ.
