ಕೋಳಿ ಪಂದ್ಯದಲ್ಲಿ ನಡೆದೇ ಹೋಯ್ತು ಅಚಾತುರ್ಯ ಘಟನೆ..!?

ಚಿತ್ತೂರು: ಸಂಕ್ರಾಂತಿ ಹಬ್ಬ ಮುಗಿದು ಇಂದು ತಿಂಗಳಾದರೂ ಎಪಿಯ ಚಿತ್ತೂರು ಜಿಲ್ಲೆಯಲ್ಲಿ ಇಂದಿಗೂ ಕೋಳಿ ಬೆಟ್ಟಿಂಗ್ ಜೋರಾಗಿದೆ. ಚಿತ್ತೂರು ಜಿಲ್ಲೆಯ ದೊಡ್ಡ ಮಂಡ್ಯ ವಲಯದ ಕಾಳಿಚರ್ಲ ಗ್ರಾಮದಲ್ಲಿ ದುರಂತ  ಘಟನೆಯೊಂದು ನಡೆದಿದೆ. ಪಂದ್ಯ ನಡೆಯುತ್ತಿದ್ದ ವೇಳೆ ಕೋಳಿಯೊಂದು ಜನರ ಗುಂಪಿನೆಡಗೆ ರಭಸವಾಗಿ ನುಗ್ಗಿ ಬಂದಿದೆ. ಆ ವೇಲೆ ಕೋಳಿ ಕಾಲಿಗೆ ಕಟ್ಟಿದ್ದ ಚಾಕು ತಗುಲಿ ಓರ್ವ ವ್ಯಕ್ತಿ ಮೃತಪಟ್ಟಿದ್ದಾನೆ. ಆ ಗಟನೆ ಪಂದ್ಯದಲ್ಲಿದ್ದ ಜನರಿಗೆ ಆಘಾತವನ್ನುಂಟುಮಾಡಿದೆ. ಗಾಯಗೊಂಡ ವ್ಯಕ್ತಿ ಏನಾಯ್ತು ಎಂದು ತಿಳಿದುಕೊಳ್ಳುವಷ್ಟರಲ್ಲಿ ತೀವ್ರ ರಕ್ತಸ್ರಾವದಿಂದ ಸಾವನ್ನಪ್ಪಿದ್ದಾನೆ.

ಸಂಕ್ರಾಂತಿ ಹಬ್ಬ ಮುಗಿದರೂ ಜಿಲ್ಲೆಯ ಹಲವೆಡೆ ಜನರು ಕೋಳಿ ಬೆಟ್ಟಿಂಗ್‌ಗಳನ್ನು ಆಯೋಜಿಸುತ್ತಿದ್ದಾರೆ. ಕೋಳಿ ಪಂದ್ಯ ಸಂಕ್ರಾಂತಿ ಹಬ್ಬದಂದು ಸಂಪ್ರದಾಯದಂತೆ ನಡೆಯುವ ಒಂದು ಆಚರಣೆ. ಹಬ್ಬ ಮುಗಿದರೂ ಅದರ ಹೆಸರಿನ್ನಲ್ಲಿಯೇ ಇಂತಹ ಅಪಾಯಕಾರಿ ಆಟಗಳನ್ನು ಆಡುವ ಭರದಲ್ಲಿ  ಕಾಳಿಚಾರ್ಲ ಗ್ರಾಮದ ಗಂಗೂಲಯ್ಯ ಎಂಬ ವ್ಯಕ್ತಿಯನ್ನು ಕೋಳಿ ಕಾಲಲ್ಲಿದ್ದ ಕತ್ತಿ ತಗುಲಿ ಪ್ರಾಣ ಕಳೆದುಕೊಂಡಿದ್ದಾನೆ.