ಕುಕ್ಕೆಯಲ್ಲಿ ಸರ್ಪ ಸಂಸ್ಕಾರ ನಡೆಸಿದ ಟೀಂ ಇಂಡಿಯಾ ಆಟಗಾರ ಮಯಾಂಕ್‌ ಅಗರ್ವಾಲ್
ಮಂಗಳೂರು; ಟೀಂ ಇಂಡಿಯಾ ಆಟಗಾರ ಹಾಗೂ ಕನ್ನಡಿಗ ಮಯಾಂಕ್‌ ಅಗರ್ವಾಲ್ ಅವರು ಕುಟುಂಬ ಸಮೇತ ಕುಕ್ಕೆ ಸುಬ್ರಹ್ಮಣ್ಯಕ್ಕೆ ಭೇಟಿ ನೀಡಿದ್ದರು.. ಅವರು ನಿನ್ನೆ ಮತ್ತು ಇಂದು ಸರ್ಪ ಸಂಸ್ಕಾರ ಪೂಜೆಯಲ್ಲಿ ಪಾಲ್ಗೊಂಡಿದ್ದರು..
ಸೋಮವಾರವೇ ಪತ್ನಿ ಆಶಿತಾ ಸೂದ್‌ ಮತ್ತು ಕುಟುಂಬದೊಂದಿಗೆ ಕುಕ್ಕೆಗೆ ಆಗಮಿಸಿದ್ದ ಮಯಾಂಕ್‌ ಅಗರ್ವಾಲ್ ಅವರು, ಖಾಸಗಿ ಹೋಟೆಲ್‌ನಲ್ಲಿ ತಂಗಿದ್ದರು.. ಮಂಗಳವಾರ ಕುಟುಂಬ ಸಮೇತ ಸರ್ಪ ಸಂಸ್ಕಾರ ಸೇವೆ ಆರಂಭಿಸಿದರು.. ಬುಧವಾರವಾದ ಇಂದು ಅವರು ಗೋಪೂಜೆ, ಬ್ರಹ್ಮಚಾರಿ ಆರಾಧನೆ ಮತ್ತು ನಾಗಪ್ರತಿಷ್ಠೆ ನೆರವೇರಿಸಿದರು.. ಅನಂತರ ದೇವರ ದರ್ಶನ ಪಡೆದು, ಪ್ರಸಾದ ಸ್ವೀಕಾರ ವಾಪಸ್‌ ತೆರಳಿದ್ದಾರೆ..
ಇದಕ್ಕೂ ಮೊದಲು ಅವರು ಕೊಲ್ಲೂರು ಮೂಕಾಂಬಿಕಾ ದೇವಸ್ಥಾನ ಹಾಗೂ ಮಾರಣಕಟ್ಟೆ ಬ್ರಹ್ಮಲಿಂಗೇಶ್ವರ ದೇಗುಲಕ್ಕೆ ಭೇಟಿ ನೀಡಿದ್ದರು ಎಂದು ತಿಳಿದುಬಂದಿದೆ..
