ನಾನು CSK ಪರ ಆಡಲು ಬಯಸುವೆ – RCB ಮಾಜಿ ಆಟಗಾರ
ಮುಂಬೈ : ಐಪಿಎಲ್‌ ಮೆಗಾ ಹರಾಜಿಗೆ ಇನ್ನು ಕೆಲವೇ ದಿನಗಳು ಬಾಕಿ ಉಳಿದಿದೆ. ಬಿಸಿಸಿಐ ಮೆಗಾ ಹರಾಜಿನ ಪಟ್ಟಿ ಬಿಡುಗಡೆ ಮಾಡಿದೆ. ಫೆಬ್ರುವರಿ 12 ಮತ್ತು 13ರಂದು ಮೆಗಾ ಹರಾಜು ನಡೆಯಲಿದೆ. ಈ ಮಧ್ಯೆ RCB ಮಾಜಿ ಆಟಗಾರರೊಬ್ಬರು CSK ಪರ ಆಡಲು ನನಗೆ ಇಷ್ಟ ಎಂದು ಹೇಳಿದ್ದಾರೆ.
ಆರ್ಸಿಬಿ ತಂಡದ ಮಾಜಿ ಆಟಗಾರ ಹರ್ಷಲ್ ಪಟೇಲ್, ಧೋನಿ ನನ್ನ ಫೇವರಿಟ್ ಕ್ಯಾಪ್ಟನ್ ನಾನು ಅವರ ನಾಯಕತ್ವದಲ್ಲಿ ಸಿಎಸ್‌ಕೆ ಪರ ಆಡಲು ಬಯಸುತ್ತೇನೆ ಎಂದು ಮಾಧ್ಯಮವೊಂದರ ಸಂದರ್ಶನದಲ್ಲಿ ಹೇಳಿಕೊಂಡಿದ್ದಾರೆ.
ಧೋನಿ ಅವರಿಂದ ಸಾಕಷ್ಟು ಕಲಿಯುವುದು ಬಾಕಿ ಇದೆ. ಅವಕಾಶ ಸಿಕ್ಕರೆ ನಾನು ಅದರ ಸದುಪಯೋಗ ಮಾಡಿಕೊಳ್ಳುತ್ತೇನೆ ಎಂದು ಹರ್ಷಲ್ ಪಟೇಲ್ ಹೇಳಿಕೊಂಡಿದ್ದಾರೆ.
ಹರ್ಷಲ್ ಪಟೇಲ್ ಅವರು ಹರಾಜಿನಲ್ಲಿ ಪಾಲ್ಗೊಳ್ಳುತ್ತಿದ್ದು, ಅವರ ಮೂಲ ಬೆಲೆಯನ್ನು 2 ಕೋಟಿಗೆ ನಿಗದಿಪಡಿಸಿಕೊಂಡಿದ್ದಾರೆ. ಕಳೆದ ಸೀಸನ್‌ನಲ್ಲಿ ಪರ್ಪಲ್‌ ಕ್ಯಾಪ್‌ ಹೋಲ್ಡರ್‌ ಆಗಿದ್ದ ಹರ್ಷಲ್ ಅವರು ಈ ಬಾರಿ ಆಕ್ಷನ್‌ನಲ್ಲಿ ದೊಡ್ಡ ಮೊತ್ತಕ್ಕೆ ಬಿಕರಿಯಾಗುವ ಸಾಧ್ಯತೆ ಇದೆ.
