ಹೌದು ನಾವು ಬಿಜೆಪಿ ಬಿ ಟೀಂ, ಏನಿವಾಗ ಎಂದ ದೇವೇಗೌಡರು

ಚಿಕ್ಕಬಳ್ಳಾಪುರ; ರಾಹುಲ್ ಗಾಂಧಿ ಜೆಡಿಎಸ್ ಪಕ್ಷವನ್ನು ಬಿಜೆಪಿ ಬಿ ಟೀಂ ಎಂದು ಕರೆಯುತ್ತಿದ್ದಾರೆ. ಹೌದು, ನಾನು ಬಿಜೆಪಿ ಬಿ ಟೀಂ ನಾಯಕನೇ ಏನಿವಾಗ ಎಂದು ದೇವೇಗೌಡರು ಪ್ರಶ್ನೆ ಮಾಡಿದ್ದಾರೆ.

   ಕೋಲಾರ ಲೋಕಸಭಾ ಕ್ಷೇತ್ರ ವ್ಯಾಪ್ತಿಯ ಶಿಡ್ಲಘಟ್ಟದಲ್ಲಿ ದೇವೇಗೌಡರು ಪ್ರಚಾರ ಮಾಡಿದರು. ಈ ವೇಳೆ ಮಾತನಾಡಿದ ಅವರು, ಗ್ಯಾರೆಂಟಿ ಆಶ್ವಾಸನೆಗಳನ್ನು‌ ನೋಡಿ ಜನರು ಕಾಂಗ್ರೆಸ್ ಪಕ್ಷವನ್ನು ಗೆಲ್ಲಿಸಿದರು. ಆದ್ರೆ ಬೆಂಗಳೂರಲ್ಲಿ ಕುಡಿಯೋಕೂ ನೀರಿಲ್ಲ. ಮಹಿಳೆಯರು ಪರದಾಡುವಂತಹ ಪರಿಸ್ಥಿತಿ‌ ನಿರ್ಮಾಣವಾಗಿದೆ ಎಂದು ಹೇಳಿದರು.

  ಎತ್ತಿನಹೊಳೆ ಯೋಜನೆಯನ್ನು ಜಗದೀಶ್ ಶೆಟ್ಟರ್ ಮಂಜೂರು ಮಾಡಿದರು. ಆದ್ರೆ ಕಾಂಗ್ರೆಸ್ ಈ ಯೋಜನೆಗೆ ಪ್ರಾಮುಖ್ಯತೆಯೇ ಕೊಡಲಿಲ್ಲ ಎಂದು ಹೇಳಿದರು.

  ಲೋಕಸಭಾ ಚುನಾವಣೆ ನಂತರ ರಾಜ್ಯದಲ್ಲಿ ಕಾಂಗ್ರೆಸ್ ಸರ್ಕಾರ ಇರೋದಿಲ್ಲ‌ ಎಂದು ದೇವೇಗೌಡರು ಇದೇ ವೇಳೆ ಭವಿಷ್ಯ ನುಡಿದರು. ನನಗೆ ಈಗ 93 ವರ್ಷ. 2014ರಲ್ಲಿ ಮೋದಿಗೆ ಸವಾಲು ಹಾಕಿ ಸೋತಿದ್ದೆ. ಈಗ ಮೋದಿ ದೇಶಕ್ಕೆ ಬೇಕು. ಈ ಬಾರಿ ಎನ್ ಡಿಎ 400ಕ್ಕೂ ಹೆಚ್ಚು ಸೀಟು ಗೆಲ್ಲಲಿದೆ ಎಂದು ದೇವೇಗೌಡರು ಹೇಳಿದರು.