ತೆಲಂಗಾಣ ಚುನಾವಣೆ; ಮತ ಚಲಾಯಿಸಿ ಇತರರಿಗೆ ಸ್ಪೂರ್ತಿಯಾದ ಟ್ರಾನ್ಸ್‌ಜೆಂಡರ್ಸ್‌
ಖಮ್ಮಂ; ಇಂದು ತೆಲಂಗಾಣ ವಿಧಾನಸಭಾ ಚುನಾವಣೆಯ ಮತದಾನ ನಡೆಯುತ್ತಿದೆ. ಬಹುತೇಕ ಎಲ್ಲಾ ಕಡೆ ಶಾಂತಿಯುತ ಮತದಾನ ನಡೆಯುತ್ತಿದೆ. ಎಲ್ಲರೂ ಕೂಡಾ ಉತ್ಸಾಹದಿಂದ ಹಕ್ಕು ಚಲಾಯಿಸುತ್ತಿದ್ದಾರೆ. ಅದೇ ರೀತಿ ತೃತೀಯಲಿಂಗಿಗಳು ಕೂಡಾ ತಮ್ಮ ಹಕ್ಕು ಚಲಾಯಿಸಿ ಗಮನ ಸೆಳೆದಿದ್ದಾರೆ. ತಮಗೆ ಸಂವಿಧಾನದತ್ತವಾಗಿ ಸಿಕ್ಕಂತಹ ಹಕ್ಕನ್ನು ಚಲಾಯಿಸಿರುವ ಟ್ರಾನ್ಸ್‌ಜೆಂಡರ್ಸ್‌ ಇತರರಿಗೆ ಮಾದರಿಯಾಗಿದ್ದಾರೆ.
ತೆಲಂಗಾಣ ರಾಜ್ಯ ಖಮ್ಮಂ ಜಿಲ್ಲೆಯ ಸತ್ತುಪಲ್ಲಿ ವಿಧಾನಸಭಾ ಕ್ಷೇತ್ರದಲ್ಲಿ ಚಿತ್ರಮ್ಮ ಫ್ಯಾಮಿಲಿಗೆ ಸೇರಿದ ಟ್ರಾನ್ಸ್‌ಜೆಂಡರ್ಸ್‌ ಗುಂಪು ಒಟ್ಟಿಗೆ ಹೋಗಿ ಮಾತದಾನ ಮಾಡಿ, ಅದರ ಫೋಟೋಗಳನ್ನು ಸೋಷಿಯಲ್‌ ಮೀಡಿಯಾದಲ್ಲಿ ಅಪ್‌ಲೋಡ್‌ ಮಾಡಿದ್ದಾರೆ. ನಾವು ಕೂಡಾ ಮತದಾನ ಮಾಡಿದ್ದೇವೆ. ಎಲ್ಲರೂ ತಪ್ಪದೇ ಮತದಾನ ಮಾಡಿ ಎಂದು ಅವರು ಮನವಿ ಮಾಡಿಕೊಂಡಿದ್ದಾರೆ.
