ಸತ್ತ ವ್ಯಕ್ತಿ ತನ್ನ ಶತ್ರುಗಳನ್ನು ಕೋರ್ಟಿಗೆ ಎಳೆತಂದ!; ಇದು ನಿಜವಾದ ದೆವ್ವ!

ಉತ್ತರ ಪ್ರದೇಶ; ಮನುಷ್ಯ ಸತ್ತ ಮೇಲೆ ದೆವ್ವ ಆಗುತ್ತಾನೆ ಅಂತ ತುಂಬಾ ಜನ ನಂಬುತ್ತಾರೆ.. ಇನ್ನು ಸತ್ತ ನಂತರ ದೆವ್ವಗಳಾಗಿ ಶತ್ರುಗಳನ್ನು ಕಾಡೋ ದೃಶ್ಯಗಳನ್ನು ನಾವು ಸಿನಿಮಾಗಳಲ್ಲಿ ನೋಡಿರುತ್ತೇವೆ.. ಆದ್ರೆ ಇದು ನಿಜವಾಗಿ ನಡೆದ ಘಟನೆ.. ಬದುಕಿರುವಾಗ ಸಾಕಷ್ಟು ಕಾಟ ಕೊಟ್ಟ ಕುಟುಂಬವನ್ನು ದೆವ್ವ ಕೋರ್ಟಿಗೆ ಎಳೆದಿದೆ.. ಇದು ಅಚ್ಚರಿಯಾದರೂ ನಿಜ.. ಉತ್ತರ ಪ್ರದೇಶದ ಖುಶಿ ನಗರದಲ್ಲಿ ಈ ಘಟನೆ ನಡೆದಿದೆ..
ಈ ಘಟನೆ ಕಾನೂನು ವ್ಯವಸ್ಥೆ ಹಾಗೂ ಪೊಲೀಸ್ ವ್ಯವಸ್ಥೆ ಎರಡನ್ನೂ ತಲ್ಲಣಗೊಳಿಸಿದೆ. ಶಬ್ದ ಪ್ರಕಾಶ್ ಎಂಬ ವ್ಯಕ್ತಿ 2011ರಲ್ಲಿ ಜಮೀನು ವಿವಾದದಲ್ಲಿ ಮೃತಪಟ್ಟಿದ್ದರು. 2014ರಲ್ಲಿ ಪುರುಷೋತ್ತಮ ಸಿಂಗ್, ಅವರ ಇಬ್ಬರು ಪುತ್ರರು ಹಾಗೂ ಒಂದೇ ಕುಟುಂಬದ ಇಬ್ಬರು ಸಹೋದರರು ಸೇರಿ ಒಟ್ಟು ಐವರ ವಿರುದ್ಧ 2011ರಲ್ಲಿ ಮೃತಪಟ್ಟ ವ್ಯಕ್ತಿ ಶಬ್ದಪ್ರಕಾಶ್‌ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ. ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ಆರಂಭಿಸಿ ಪ್ರಕಾಶ್ ಹೇಳಿಕೆ ದಾಖಲಿಸಿಕೊಂಡಿದ್ದಾರೆ. ನಂತರ ಪ್ರಕರಣ ಅಲಹಾಬಾದ್ ಹೈಕೋರ್ಟ್ ಮೆಟ್ಟಿಲೇರಿತ್ತು. ಪೊಲೀಸರು ದೋಷಾರೋಪ ಪಟ್ಟಿ ಸಲ್ಲಿಸಿದ್ದಾರೆ. ಈ ಹಿನ್ನೆಲೆಯಲ್ಲಿ ಆರೋಪಿಗಳು ನ್ಯಾಯಾಲಯದಲ್ಲಿ ದೋಷಾರೋಪ ಪಟ್ಟಿಯನ್ನು ಪ್ರಶ್ನಿಸಿದ್ದರು.
ಪ್ರಕರಣದ ವಿಚಾರಣೆ ವೇಳೆ ಆರೋಪಿ ಪರ ವಾದ ಮಂಡಿಸಿದ ವಕೀಲ ಶಬ್ದ ಪ್ರಕಾಶ್ ಅವರು 2011ರಲ್ಲಿ ಮೃತಪಟ್ಟಿರುವುದಾಗಿ ಮರಣ ಪ್ರಮಾಣ ಪತ್ರವನ್ನು ನ್ಯಾಯಾಲಯಕ್ಕೆ ಸಲ್ಲಿಸಿದ್ದರು. ಪ್ರಕಾಶ್ ಪತ್ನಿ ಮಮತಾ ಕೂಡ ಪತಿಯ ಸಾವನ್ನು ಖಚಿತಪಡಿಸಿದ್ದಾರೆ. ಇದರಿಂದ ಅಚ್ಚರಿಗೊಂಡ ನ್ಯಾಯಮೂರ್ತಿ ಸೌರಭ್ ಶ್ಯಾಮ್ ಶಂಶ್ರೆ, ಮೃತ ವ್ಯಕ್ತಿ ದೂರು ದಾಖಲಿಸಿದ್ದು ಹೇಗೆ ಎಂದು ಕುಶಿನಗರ ಪೊಲೀಸರನ್ನು ಪ್ರಶ್ನಿಸಿದರು. ಮೃತರ ಹೇಳಿಕೆಯನ್ನೂ ದಾಖಲಿಸಿಕೊಂಡಿದ್ದು, ಅಫಿಡವಿಟ್ ವಿರುದ್ಧ ಹೈಕೋರ್ಟ್‌ನಲ್ಲಿ ಸಲ್ಲಿಸಲಾಗಿದ್ದ ಅರ್ಜಿಗೆ ಮೃತರ ಸಹಿ ಹಾಕಿರುವುದು ತಿಳಿದು ಆಘಾತಗೊಂಡಿದ್ದಾರೆ. ವಿಚಾರಣಾ ನ್ಯಾಯಾಲಯ ಪ್ರಕರಣವನ್ನು ವಜಾಗೊಳಿಸಿದೆ. ಈ ಬಗ್ಗೆ ತನಿಖೆ ನಡೆಸುವಂತೆ ಕುಶಿನಗರ ಎಸ್ಪಿಗೆ ಆದೇಶಿಸಲಾಗಿದೆ. ಮೃತರ ಪರವಾಗಿ ಅಫಿಡವಿಟ್ ಸಲ್ಲಿಸಿದ ವಕೀಲರಿಗೆ ನ್ಯಾಯಾಲಯ ಛೀಮಾರಿ ಹಾಕಿದೆ.