ಕುಮಟಾ : ಅನಿಲ ತುಂಬಿದ್ದ ಟ್ಯಾಂಕರ್‌ ಪಲ್ಟಿ
ಕುಮಟಾ : ನಗರದ ಹೊಂನಮಾವ ದೇವಸ್ಥಾನದ ಬಳಿ ಜನ ವಾಸಿಸುವ ಪ್ರದೇಶದಲ್ಲಿ , ಅನಿಲ ತುಂಬಿದ್ದ ಟ್ಯಾಂಕರ್‌, ಲಾರಿ ಇಂದ ಕಳಚಿ ನೆಲಕ್ಕುರುಳಿದೆ.
ಮಂಗಳೂರಿನಿಂದ ಬೆಳಗಾವಿಗೆ ಸಾಗಿಸುತ್ತಿದ್ದಾಗ ಈ ಅವಘಡ ಸಂಭವಿಸಿದೆ. ಲಾರಿಯಿಂದ ನೆಲಕ್ಕೆ ಉರುಳಿದ ಟ್ಯಾಂಕರ್‌ನ ಸುರಕ್ಷಿತ ವಾಲ್ವ್‌ ಕೊಂಚ ಸಡಿಲಗೊಂಡು ಸಣ್ಣ ಪ್ರಮಾಣದಲ್ಲಿ ಅನಿಲ ಸೋರಲು ಶುರುವಾಗಿದೆ. ತಕ್ಷಣವೇ ಅನಿಲ ಸೋರಿಕೆಯನ್ನು ನಿಲ್ಲಿಸಿಲಾಗಿದೆ.
ಹೆದ್ದಾರಿಯ ಎಲ್ಲಾ ವಾಹನಗಳ ಮಾರ್ಗ ಬದಲಿಸುವ ಮೂಲಕ ಯಾವುದೇ ಅಪಘಾತ ಸಂಭವಿಸದಂತೆ ಎಚ್ಚರ ವಹಿಸಲಾಗಿದೆ. ಅಗ್ನಿ ಶಾಮಕ ದಳದವರು ಸ್ಥಳಕ್ಕೆ ಭೇಟಿ ನೀಡಿ ಯಾವುದೇ ಅಪಾಯ ಸಂಭವಿಸಿದಂತೆ ನೋಡಿಕೊಂಡಿದ್ದಾರೆ ಎಂದು ಪಿ.ಎಸ್.ಐ ನವೀನ್‌ ನಾಯ್ಕ್‌ ತಿಳಿಸಿದ್ದಾರೆ.
