ಕಾಳಿ ಮಠದ ರಿಷಿಕುಮಾರ ಸ್ವಾಮೀಜಿ ಅರೆಸ್ಟ್

ಶ್ರೀರಂಗಪಟ್ಟಣ : ಕಾಳಿ ಮಠದ ರಿಷಿಕುಮಾರ ಸ್ವಾಮೀಜಿ ಒಂದಿಲ್ಲೊಂದು ವಿಷಯದಲ್ಲಿ ಚರ್ಚೆಯಲ್ಲಿ ಇರುತ್ತಾರೆ. ಹೊಸ ಸಿನಿಮಾ ಒಂದರ ಮೂಲಕ ನಾಯಕ ನಟನಾಗಿ ತೆರೆ ಮೇಲೆ ಬರಲು ಸಜ್ಜಾಗಿದ್ದ ಕಾಳಿ ಸ್ವಾಮೀಜಿಯವರನ್ನು ಇಂದು ಪೊಲೀಸರು ಅರೆಸ್ಟ್‌ ಮಾಡಿದ್ದಾರೆ.

ರಿಷಿಕುಮಾರ ಸ್ವಾಮೀಜಿಯವರನ್ನು ಇಂದು ಬೆಳಗ್ಗೆ 4.30ಕ್ಕೆ ಚಿಕ್ಕಮಗಳೂರು ಮಠದಲ್ಲಿ ವಶಕ್ಕೆ ಪಡೆದಿದ್ದಾರೆ.

ಬಾಬ್ರಿ ಮಸೀದಿ ರೀತಿಯಲ್ಲಿಯೇ ಶ್ರೀರಂಗಪಟ್ಟಣದ ಮಸೀದಿಯನ್ನು ಕೆಡವುವಂತೆ ಪ್ರಚೋದಿಸಿ ವೀಡಿಯೋವೊಂದನ್ನು ಹರಿ ಬಿಟ್ಟಿದ್ದರು. ನಿನ್ನೆ ಶ್ರೀರಂಗಪಟ್ಟಣದ ಮಸೀದಿ ಮುಂದೆ ನಿಂತು ರಿಷಿ ಕುಮಾರ ಸ್ವಾಮೀಜಿ ವೀಡಿಯೋ ಮಾಡಿದ್ದರು. ಇಲ್ಲಿ ಮುಂಚೆ ದೇವಸ್ಥಾನವಿತ್ತು ಅದನ್ನು ಕೆಡವಿದ್ದಾರೆ ಎಂದು ಹೇಳಿ ಮಾಡಿದ್ದ ವೀಡಿಯೋ ವಿವಾದಕ್ಕೆ ಕಾರಣವಾಗಿತ್ತು

ಸಮಾಜದಲ್ಲಿ ಕೋಮು ಸೌಹಾರ್ದತೆ ಹಾನಿ ಆಗುವ ನಿಟ್ಟಿನಲ್ಲಿ ಚಿಕ್ಕಮಗಳೂರು ಪೊಲೀಸರು ವಶಕ್ಕೆ ಪಡೆದಿದ್ದಾರೆ. ನಂತರ ಶ್ರೀರಂಗಪಟ್ಟಣ ಪೊಲೀಸ್‌ ಠಾಣೆಗೆ ಕರೆದುಕೊಂಡು ಹೊರಟಿದ್ದಾರೆ.