ಟಾಲಿವುಡ್‌ಗೆ ಎಂಟ್ರಿ ಕೊಟ್ಟ ಸಲಗ
ಹೈದರಾಬಾದ್‌ : ನಟ ದುನಿಯ ವಿಜಯ್‌ ಟಾಲಿವುಡ್‌ ಅಂಗಳಕ್ಕೆ ಕಾಲಿಡ್ತಿದ್ದಾರೆ. ಈ ಸುದ್ದಿ ಕೆಲ ದಿನಗಳ ಹಿಂದೆಯೇ ಹಬ್ಬಿತ್ತಾದರೂ ಇಂದು ಅಧಿಕೃತವಾಗಿ ಹೊರ ಬಿದ್ದಿದೆ. ವಿಜಯ್‌ ಅವರಿಗೆ ಉತ್ತಮ ಅವಕಾಶ ದೊರೆತಿದೆ. ತೆಲುಗಿನ ಸೂಪರ್‌ ಸ್ಟಾರ್‌ ನಂದಮುರಿ ಬಾಲಕೃಷ್ಣ ಅವರ ಸಿನಿಮಾದಲ್ಲಿ ನಟಿಸಲು ಅವಕಾಶ ದೊರೆತಿದೆ. ದುನಿಯ ವಿಜಯ್‌ ಅವರ ಪಾತ್ರದ ಬಗ್ಗೆ ಯಾವುದೇ ಸುಳಿವು ಸಿಕ್ಕಿಲ್ಲ.
ನಂದಮುರಿ ಬಾಲಕೃಷ್ಣ ಅವರ 107 ನೇ ಸಿನಿಮಾ ಇದಾಗಿದೆ. ಈ ಚಿತ್ರಕ್ಕೆ ಖ್ಯಾತ ನಿರ್ದೇಶಕ ಗೋಪಿಚಂದ್ ಮಲಿನೇನಿ ಆ್ಯಕ್ಷನ್-ಕಟ್ ಹೇಳಲಿದ್ದಾರೆ. ಈ ಚಿತ್ರಕ್ಕಿನ್ನೂ ಶೀರ್ಷಿಕೆ ಅಂತಿಮವಾಗಿಲ್ಲ. ಬಾಲಕೃಷ್ಣ ಅವರಿಗೆ ನಾಯಕಿಯಾಗಿ ಶ್ರುತಿ ಹಾಸನ್‌ ಕಾಣಿಸಿಕೊಳ್ಳಲಿದ್ದಾರೆ. ಮೈತ್ರಿ ಮೂವಿ ಮೇಕರ್ಸ್‌ ಈ ಸಿನಿಮಾ ನಿರ್ಮಾಣ ಮಾಡುತ್ತಿದೆ.
ನಿರ್ದೇಶಕ ಗೋಪಿಚಂದ್ ತಮ್ಮ ಸಾಮಾಜಿಕ ಜಾಲತಾಣಗಳಲ್ಲಿ ದುನಿಯ ವಿಜಯ್‌ ಅವರಿಗೆ ವೆಲ್ಕಮ್‌ ಕೋರಿದ್ದಾರೆ.
ದುನಿಯ ವಿಜಯ್‌ ಅವರು ಮೊದಲ ಬಾರಿಗೆ ನಿರ್ದೇಶಿಸಿದ ಸಲಗ ಸಿನಿಮಾ ಸಖತ್‌ ಸದ್ದು ಮಾಡಿತ್ತು. ಸಲಗ ಸೂಪರ್‌ ಸಕ್ಸಸ್‌ ಕಂಡ ನಂತರ ದುನಿಯ ವಿಜಯ್‌ ಅವರಿಗೆ ಪರಭಾಷೆಗಳಿಂದ ಆಫರ್‌ಗಳು ಬರ್ತಿವೆ. ದುನಿಯ ವಿಜಯ್‌ ಕನ್ನಡದಲ್ಲಿ ಅವರ ಮುಂದಿನ ಸಿನಿಮಾ ಯಾವುದು ಎಂಬುದು ಇನ್ನು ನಿರ್ಧಾರವಾಗಬೇಕಿದೆ.
Very happy to welcome the Sandalwood Sensation #DuniyaVijay on board to #NBK107 ??
Redefines the Villainism with #NBK107 ??
NataSimham #NandamuriBalakrishna @shrutihaasan @officialviji @MusicThaman @MythriOfficial pic.twitter.com/x6mYe37rzu
— Gopichandh Malineni (@megopichand) January 3, 2022
