ಅಫ್ತಾಬ್‌ ಹಿನ್ನೆಲೆ ಕೆದಕುತ್ತಿರುವ ಪೊಲೀಸರು; ಶ್ರದ್ಧಾ ಕೊಲೆ ಹಿಂದೆ ಲವ್‌ ಜಿಹಾದ್‌..?
ನವದೆಹಲಿ; ಕಾಲ್‌ ಸೆಂಟರ್‌ ಉದ್ಯೋಗಿ ಶ್ರದ್ಧಾ ಕೊಲೆ ಪ್ರಕರಣದ ತನಿಖೆ ಚುರುಕುಗೊಂಡಿದೆ. ಆರೋಪಿ ಅಫ್ತಾಬ್‌ನನ್ನು ಪೊಲೀಸರು ಮತ್ತಷ್ಟು ವಿಚಾರಣೆಗೊಳಪಡಿಸಿದ್ದಾರೆ. ಈ ಕೃತ್ಯದ ಹಿಂದೆ ಲವ್‌ ಜಿಹಾದ್‌ ಇದೆ ಎಂಬ ಆರೋಪ ಕೇಳಿಬರುತ್ತಿದೆ. ಈ ಹಿನ್ನೆಲೆಯಲ್ಲಿ ಅಫ್ತಾಬ್‌ ಹಿನ್ನೆಲೆಯನ್ನು ಪೊಲೀಸರು ಕೆದಕಲು ಶುರು ಮಾಡಿದ್ದಾರೆ.
ಈ ಕಾರಣಕ್ಕಾಗಿಯೇ ದೆಹಲಿ ಪೊಲೀಸರು ಮುಂಬೈನಲ್ಲಿರುವ ಅಫ್ತಾಬ್‌ ಸ್ನೇಹಿತರಿಗೆ ಕರೆ ಕೊಟ್ಟಿದ್ದಾರೆ. ದೆಹಲಿಗೆ ಬಂದು ವಿಚಾರಣೆ ಎದುರಿಸುವಂತೆ ಸೂಚಿಸಿದ್ದಾರೆ. ಇಂದು ಮುಂಬೈನಿಂದ ನಾಲ್ವರು ಅಫ್ತಾಬ್‌ ಸ್ನೇಹಿತರು ದೆಹಲಿಗೆ ಆಗಮಿಸುತ್ತಿದ್ದಾರೆ. ಸ್ನೇಹಿತರಿಂದ ಅಫ್ತಾಬ್‌ನ ಹಿನ್ನೆಲೆ, ಅವನಿಗೆ ಯಾರೆಲ್ಲರ ಜೊತೆಗೆಲ್ಲಾ ಸ್ನೇಹವಿತ್ತು..? ಶ್ರದ್ಧಾ ಕೊಲೆ ಹಿಂದೆ ಬೇರೆ ಯಾವುದಾದರೂ ಷಡ್ಯಂತ್ರವಿದೆಯಾ..? ಅಫ್ತಾಬ್‌ಗೆ ಈ ಹಿಂದೆ ಯಾರೆಲ್ಲಾ ಗರ್ಲ್‌ಫ್ರೆಂಡ್ಸ್‌ ಇದ್ದರು..? ಎಂಬೆಲ್ಲಾ ಪ್ರಶ್ನೆಗಳಿಗೆ ಪೊಲೀಸರು ಉತ್ತರ ಹುಡುಕುತ್ತಿದ್ದಾರೆ.
ಮುಂಬೈನಲ್ಲಿ ಕಾಲ್‌ ಸೆಂಟರ್‌ ಉದ್ಯೋಗಿಯಾಗಿ ಶ್ರದ್ಧಾಳನ್ನು ಪ್ರೀತಿ ನೆಪದಲ್ಲಿ ದೆಹಲಿಗೆ ಕರೆದೊಯ್ದು ಆಕೆಯನ್ನು ಅಫ್ತಾಬ್‌ ಸಾಯಿಸಿದ್ದ. ದೇಹವನ್ನು 35 ತುಂಡುಗಳು ಮಾಡಿ ಕಾಡಿಗೆ ಎಸೆದುಬಂದಿದ್ದ. ಆರು ತಿಂಗಳ ಹಿಂದೆ ಈ ಕೊಲೆ ನಡೆದಿದ್ದ, ಇದೀಗ ಪ್ರಕರಣ ಬೆಳಕಿಗೆ ಬಂದಿದ್ದು, ಇಡೀ ದೇಶವನ್ನೇ ಬೆಚ್ಚಿಬೀಳಿಸಿದೆ.
