ಕೆಲಸ ಸಿಗದ ಕಾರಣ ಜೈಲಿಗೆ ಹೋಗಲೆಂದೇ ಚಾಕುವಿನಿಂದ ಚುಚ್ಚಿದ!

ಬೆಂಗಳೂರು; ಕೆಲಸ ಸಿಗದ ಕಾರಣ ಜೈಲಿಗೆ ಹೋಗಲೆಂದೇ ಯುವಕನೊಬ್ಬ ವಿನಾಕಾರಣ ಬಿಎಂಟಿಸಿ ಬಸ್ ಕಂಡಕ್ಟರ್ ಗೆ ಚಾಕುವಿನಿಂದ ಇರಿದಿದ್ದಾನೆ.. ಬೆಂಗಳೂರಿನ ವೈಟ್​ಫೀಲ್ಡ್ ಬಳಿಯ ಐಟಿಪಿಎಲ್ ಬಸ್ ನಿಲ್ದಾಣದ ಬಳಿ ನಡೆದಿದೆ..

  ಸೆಪ್ಟೆಂಬರ್ 1ರ ಸಂಜೆ ಬಸ್ ಕಂಡಕ್ಟರ್ ಯೋಗೇಶ್ ಮೇಲೆ ಎರಡು ಮೂರು ಬಾರಿ ಚಾಕುವಿನಿಂದ ಚುಚ್ಚಿದ್ದಾನೆ.. ಡಿಪೋ-13ರ ವೋಲ್ವೋ ಬಸ್​ನಲ್ಲಿ ಈ ಘಟನೆ ನಡೆದಿದೆ… ಆರೋಪಿ ಹುಚ್ಚನಂತೆ ವರ್ತಿಸಿ ಈ ಕೃತ್ಯ ಎಸಗಿದ್ದಾನೆ..

 ವೈಟ್ ಫೀಲ್ಡ್ ಪೋಲಿಸರು ಆರೋಪಿಯನ್ನು ಬಂಧಿಸಿ ವಿಚಾರಣೆ ನಡೆಸಿದ್ದಾರೆ..  ಎಲ್ಲೂ ಕೆಲಸ ಸಿಗದ ಕಾರಣ ನಿರಾಸೆಯಾಗಿದೆ.. ಹೀಗಾಗಿ ಜೈಲಿಗೆ ಹೋಗಲು ಹೀಗೆ ಮಾಡಿದ್ದಾಗಿ ಆರೋಪಿ ಹೇಳಿಕೊಂಡಿದ್ದಾನೆ..

ಬಿಎಂಟಿಸಿ ಬಸ್ ನಿರ್ವಾಹಕ ಯೋಗೇಶ್ ಗಂಭೀರ ಗಾಯಗೊಂಡಿದ್ದು, ವೈದೇಹಿ ಆಸ್ಪತ್ರೆಗೆ ದಾಖಲಿಸಲಾಗಿದೆ.