ನಾಯಿ ಮೇಲೆ ಅತ್ಯಾಚಾರ; ಡೆಲಿವರಿ ಬಾಯ್‌ ಅರೆಸ್ಟ್‌
ಮುಂಬೈ; ಇತ್ತೀಚೆಗಷ್ಟೇ ಕಾಮುಕನೊಬ್ಬ ಕರುವೊಂದರ ಮೇಲೆ ಅತ್ಯಾಚಾರವೆಸಗಿದ್ದ. ಇದೀಗ ಮಹಾರಾಷ್ಟ್ರದಲ್ಲಿ ನಾಯಿ ಮೇಲೆ ವ್ಯಕ್ತಿಯೊಬ್ಬ ಅತ್ಯಾಚಾರ ಮಾಡಿದ್ದಾನೆ. ಮುಂಬೈನ ಫುಡ್‌ ಡೆಲಿವರಿ ಬಾಯ್‌ ಒಬ್ಬ ನಾಯಿಯೊಂದಿಗೆ ಅನೈಸರ್ಗಿಕ ಲೈಂಗಿಕ ಕ್ರಿಯೆ ನಡೆಸಿದ್ದು, ಆತನನ್ನು ಪೊಲೀಸರು ಬಂಧಿಸಿದ್ದಾರೆ.
ಬಾಂಬೆ ಅನಿಮಲ್ ರೈಟ್ಸ್‌ನ ಸದಸ್ಯೆ ಮಿನು ಶೇಠ್ ಪೊಲೀಸರಿಗೆ ದೂರು ನೀಡಿದ್ದರು. ಈ ಹಿನ್ನೆಲೆಯಲ್ಲಿ ಕಾರ್ಯಾಚರಣೆ ನಡೆಸಿದ ಪೊಲೀಸರು ಆರೋಪಿಯನ್ನು ಅರೆಸ್ಟ್‌ ಮಾಡಿದ್ದಾರೆ. ಅನಿಮಲ್ ರೈಟ್ಸ್ ಕಾರ್ತಕರ್ತೆ ಮಿನು ಶೇಠ್ ದಿನವೂ ಬೀದಿ ನಾಯಿಗಳಿಗೆ ಆಹಾರ ನೀಡುತ್ತಾರೆ. ಅವರಿಗೆ ಅಕ್ಟೋಬರ್ 29ರಂದು ಬಾಂಬೆ ಅನಿಮಲ್ ರೈಟ್ಸ್ ಅಧ್ಯಕ್ಷೆ ವಿಜತ್ ಮೊಹಾನಿ ವೀಡಿಯೋವೊಂದನ್ನು ಕಳುಹಿಸಿದ್ದರು. ಅದರಲ್ಲಿ ಹೀರಾ ಪನ್ನಾ ಮಾಲ್‌ನ ಬಾಲ್ಕನಿಯಲ್ಲಿ ವ್ಯಕ್ತಿಯೊಬ್ಬ 6 ತಿಂಗಳ ನಾಯಿಯೊಂದಿಗೆ ಲೈಂಗಿಕ ಕ್ರಿಯೆ ನಡೆಸಿರುವುದು ದಾಖಲಾಗಿತ್ತು. ಇದರ ಆಧಾರದ ಮೇಲೆ ಆರೋಪಿಯನ್ನು ಬಂಧಿಸಲಾಗಿದೆ.
