ABG ಶಿಪ್‌ ಯಾರ್ಡ್‌ ಕಂಪನಿಯಿಂದ 28ಬ್ಯಾಂಕ್‌ಗಳಿಗೆ ದೋಖಾ-22,842 ಕೋಟಿ ರೂಪಾಯಿ ಉಂಡೇನಾಮ

ಗುಜರಾತ್:  ಗುಜರಾತ್ ಮೂಲದ ABG shipyard ಕಂಪನಿ 28 ಬ್ಯಾಂಕ್ ಗಳಿಗೆ ವಂಚಿಸಿ ಬರೋಬ್ಬರಿ 22,842 ಕೋಟಿ ರೂಪಾಯಿಯನ್ನು ನುಂಗಿ ನೀರ್ಕುಡಿದಿದೆ. ದೇಶದ ಅತಿದೊಡ್ಡ ಬ್ಯಾಂಕ್ ಆದ  ಎಬಿಜಿ ಹಗರಣದ ತನಿಖೆ ನಡೆಸುತ್ತಿರುವ ಸಿಬಿಐ, ಎಬಿಜಿ ಶಿಪ್‌ಯಾರ್ಡ್‌ನ ಅಧ್ಯಕ್ಷ ಮತ್ತು ವ್ಯವಸ್ಥಾಪಕ ನಿರ್ದೇಶಕ ರಿಷಿ ಕಮಲೇಶ್ ಅಗರ್ವಾಲ್ ಸೇರಿದಂತೆ ಎಂಟು ಮಂದಿಗೆ ಲುಕ್ ಔಟ್ ನೋಟಿಸ್ ಜಾರಿ ಮಾಡಿದೆ. ಆರೋಪಿಗಳು ದೇಶ ಬಿಟ್ಟು ಪರಾರಿಯಾಗದಂತೆ ಲುಕ್ ಔಟ್ ನೋಟಿಸ್ ನೀಡಿದೆ.

ಎಬಿಜಿ ಶಿಪ್ ಯಾರ್ಡ್ ನಿರ್ದೇಶಕರಲ್ಲಿ ರಿಷಿ ಅಗರ್ವಾಲ್ ಮತ್ತು ಅಳಿಯ ಮುತ್ತುಸ್ವಾಮಿ ಅಶ್ವಿನಿ ಕುಮಾರ್ ಸೇರಿದ್ದಾರೆ. ಈ ಪ್ರಕರಣವನ್ನು ಭಾರತದ ಅತಿದೊಡ್ಡ ಬ್ಯಾಂಕ್ ಹಗರಣ ಎಂದು ಸಿಬಿಐ ಬಣ್ಣಿಸಿದೆ. ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ, ಸೆಂಟ್ರಲ್ ಬ್ಯೂರೋ ಆಫ್ ಇನ್ವೆಸ್ಟಿಗೇಷನ್ ಅಥವಾ ಸಿಬಿಐ ಸೇರಿದಂತೆ 28 ಬ್ಯಾಂಕ್‌ಗಳಿಗೆ ರೂ. ಎಬಿಜಿ ಶಿಪ್ ಯಾರ್ಡ್ 22,842 ಕೋಟಿ ರೂಪಾಯಿ ವಂಚನೆ ಮಾಡಿದೆ.

ಎಬಿಜಿ ಶಿಪ್‌ಯಾರ್ಡ್ ಕನಿಷ್ಠ 98 ಸಂಬಂಧಿತ ಕಂಪನಿಗಳಿಗೆ ಹಣ ತಿರುಗಿಸಿದೆ ಎಂದು ಕೆಲವು ಮೂಲಗಳು ಬಹಿರಂಗಪಡಿಸಿವೆ. ABG ಶಿಪ್‌ಯಾರ್ಡ್ ಹಡಗು ನಿರ್ಮಾಣ ದುರಸ್ತಿ ಮಾಡುವ ಪ್ರಮುಖ ಕಂಪನಿಯಾಗಿದೆ. ಸೂರತ್‌ನ ದಹೇಜ್‌ನಲ್ಲಿ ಹಲವಾರು ಹಡಗುಕಟ್ಟೆಗಳನ್ನು ಹೊಂದಿದೆ.  ಪ್ರಾಥಮಿಕವಾಗಿ ಎಬಿಜಿ ಶಿಪ್‌ಯಾರ್ಡ್ ಸಂಬಂಧಿತ ಕಂಪನಿಗಳಿಗೆ ಭಾರಿ ಮೊತ್ತದ ನಗದು ವರ್ಗಾವಣೆಯಾಗಿದೆ ಎಂದು ಸಿಬಿಐ ತನಿಖೆಯಿಂದ ತಿಳಿದುಬಂದಿದೆ. ಬ್ಯಾಂಕ್ ಸಾಲವನ್ನು ತಿರುಗಿಸದೆ ವಿದೇಶಿ ಅಂಗಸಂಸ್ಥೆಯಲ್ಲಿ ಭಾರಿ ಹೂಡಿಕೆ ಮಾಡಿರುವುದು ಕಂಡುಬಂದಿದೆ.

ಎಬಿಜಿ ಶಿಪ್‌ಯಾರ್ಡ್ ಕಂಪನಿಯು ಎಸ್‌ಬಿಐ ಹಾಗೂ ಐಸಿಐಸಿಐ ಮತ್ತು ಐಡಿಬಿಐನಂತಹ ಬ್ಯಾಂಕ್‌ಗಳಿಂದ ಪಡೆದ ಸಾಲವನ್ನು ಇನ್ನೂ ಮರುಪಾವತಿ ಮಾಡಿಲ್ಲ.ಕಂಪನಿ ಮಾಲೀಕರು ಬ್ಯಾಂಕ್‌ಗಳಿಂದ ಸಾಲ ಪಡೆದು ಹಣವನ್ನು ಬೇರೆಡೆಗೆ ತಿರುಗಿಸಿ ದುರುಪಯೋಗಪಡಿಸಿಕೊಂಡಿದ್ದಾರೆ ಎಂದು ಆರೋಪಿಸಿ ಸಿಬಿಐ ಎಫ್‌ಐಆರ್ ದಾಖಲಿಸಿದೆ. ಎಬಿಜಿ ಶಿಪ್‌ಯಾರ್ಡ್ ಲಿಮಿಟೆಡ್ ಕಳೆದ 16 ವರ್ಷಗಳಲ್ಲಿ ರಫ್ತು ಮಾರುಕಟ್ಟೆಗಾಗಿ 46 ರಿಂದ 165 ಕ್ಕೂ ಹೆಚ್ಚು ಹಡಗುಗಳನ್ನು ನಿರ್ಮಿಸಿದೆ. ABG ನಿರ್ಮಿಸಿದ ಹಡಗುಗಳು ಲಾಯ್ಡ್ಸ್, ಅಮೇರಿಕನ್ ಬ್ಯೂರೋ ಆಫ್ ಶಿಪ್ಪಿಂಗ್, ಬ್ಯೂರೋ ವೆರಿಟಾಸ್, IRS ಮತ್ತು DNV ಸೇರಿದಂತೆ ಎಲ್ಲಾ ಅಂತರಾಷ್ಟ್ರೀಯ ವರ್ಗೀಕರಣ ಸಂಸ್ಥೆಗಳಿಂದ ವರ್ಗೀಕರಿಸಲ್ಪಟ್ಟಿವೆ.

ಈಗಾಗಲೇ ದೇಶದ ವಿವಿಧ ಬ್ಯಾಂಕ್ ಗಳಲ್ಲಿ ಸಾಲ ಪಡೆದು ವಿದೇಶಕ್ಕೆ ಪರಾರಿಯಾಗಿರುವವರ ಪಟ್ಟಿ ದೊಡ್ಡದಿದೆ. ಇದೀಗ ಎಬಿಜಿ ಶಿಪ್‌ಯಾರ್ಡ್ ಪ್ರಕರಣವೂ ಸಾಲ ಸುಸ್ತಿದಾರರ ಪಟ್ಟಿಗೆ ಸೇರ್ಪಡೆಯಾಗಿದೆ.  ದೇಶದಲ್ಲಿ ಪಂಜಾಬ್ ನ್ಯಾಷನಲ್ ಬ್ಯಾಂಕ್ ವಂಚನೆ ಪ್ರಕರಣದಲ್ಲಿ ಬ್ಯಾಂಕ್ ಸಾಲ ವಂಚಿಸಿ ವಿದೇಶಕ್ಕೆ ಪರಾರಿಯಾಗಿರುವ ಉದ್ಯಮಿಗಳಲ್ಲಿ ನೀರವ್ ಮೋದಿ, ಆತನ ಚಿಕ್ಕಪ್ಪ ಮೆಹುಲ್ ಚೋಕ್ಸಿ ಮತ್ತು ಕಿಂಗ್ ಫಿಶರ್ ಏರ್ ಲೈನ್ಸ್ ಮುಖ್ಯಸ್ಥ ವಿಜಯ್ ಮಲ್ಯ ಸೇರಿದ್ದಾರೆ. ಅವರನ್ನು ಭಾರತಕ್ಕೆ ಮರಳಿ ಬರುವಂತೆ ಮಾಡಲು ನಾನಾ ಪ್ರಯತ್ನ ಮಾಡ್ತಿವೆ.