ಮೊಬೈಲ್‌ ಕದ್ದ ಯುವಕನಿಗೆ ಮಹಿಳೆಯಿಂದ ಹಿಗ್ಗಾಮುಗ್ಗಾ ಥಳಿತ!
ಉತ್ತರ ಪ್ರದೇಶ; ಮೊಬೈಲ್‌ ಕಸಿದುಕೊಳ್ಳಲು ಬಂದ ಯುವಕನನ್ನು ಹಿಡಿದ ಮಹಿಳೆ ಹಿಗ್ಗಾಮುಗ್ಗಾ ಥಳಿಸಿದ್ದಾಳೆ.. ಇದೇ ವೇಳೆ ಸಾರ್ವಜನಿಕರು ಕೂಡಾ ಮಹಿಳೆಯ ಬೆಂಬಲಕ್ಕೆ ಬಂದಿದ್ದು, ಕಳ್ಳನನ್ನು ಅರೆಬೆತ್ತಲೆ ಮಾಡಿ ಅಮಾನುಷವಾಗಿ ಹಲ್ಲೆ ಮಾಡಲಾಗಿದೆ.. ಉತ್ತರ ಪ್ರದೇಶದ ಮೀರತ್‌ನಲ್ಲಿ ಈ ಘಟನೆ ನಡೆದಿದೆ..
ಮಹಿಳೆ ಜನಸಂದಣಿ ಇರುವ ಮಾರುಕಟ್ಟೆಗೆ ಹೋಗಿದ್ದಳು.. ಈ ವೇಳೆ ಆಕೆ ಕೈನಿಂದ ಯುವಕನೊಬ್ಬ ಮೊಬೈಲ್‌ ಕಳ್ಳತನ ಮಾಡೋದಕ್ಕೆ ಹೋಗಿದ್ದಾನೆ.. ಮೊಬೈಲ್‌ ಕಿತ್ತುಕೊಂಡು ಪರಾರಿಯಾಗಲು ಯತ್ನಿಸಿದ್ದಾನೆ.. ಆದ್ರೆ ಸಾರ್ವಜನಿಕರ ನೆರವಿನಿಂದ ಆತನನ್ನು ಹಿಡಿಯಲಾಗಿದೆ.. ಮಹಿಳೆ ಜೋರಾಗಿ ಕಿರುಚಿದ್ದರಿಂದ ಜನರು ಆರೋಪಿಯನ್ನು ಹಿಡಿದಿದ್ದಾರೆ.. ಆಗ ಮಹಿಳೆ ಯುವಕನಿಗೆ ಕಪಾಳ ಮೋಕ್ಷ ಮಾಡಿದ್ದಾಳೆ.. ಸಾಲದೆಂಬಂತೆ ಸಾರ್ವಜನಿಕರೂ ಕೂಡಾ ಆತನನ್ನು ಅರೆಬೆತ್ತಲೆ ಮಾಡಿ ಧರ್ಮದೇಟು ನೀಡಿದ್ದಾರೆ..
ಯುವಕನನ್ನು ಥಳಿಸುವ ವಿಡಿಯೋವನ್ನು ಸಾರ್ವಜನಿಕರು ಚಿತ್ರೀಕರಿಸಿದ್ದು, ಸೋಷಿಯಲ್‌ ಮೀಡಿಯಾದಲ್ಲಿ ಹರಿಬಿಟ್ಟಿದ್ದಾರೆ.. ಇದು ಸೋಷಿಯಲ್‌ ಮೀಡಿಯಾದಲ್ಲಿ ಸಾಕಷ್ಟು ವೈರಲ್‌ ಆಗುತ್ತಿದೆ.. ಆರೋಪಿ ಯುವಕನನ್ನು ಹಿಡಿದು ಪೊಲೀಸರಿಗೆ ಒಪ್ಪಿಸಲಾಗಿದ್ದು, ಪೊಲೀಸರು ವಿಚಾರಣೆ ನಡೆಸುತ್ತಿದದಾರೆ. ಸದರ್ ಬಜಾರ್ ಪೊಲೀಸ್ ಠಾಣೆ ವ್ಯಾಪ್ತಿಯ ಬೇಗಂಪುಲ್ ಬಳಿ ಈ ಘಟನೆ ನಡೆದಿದೆ ಎಂದು ತಿಳಿದುಬಂದಿದ್ದು, ಆರೋಪಿಯನ್ನು ಅರ್ಮಾನ್ ಎಂದು ಗುರುತಿಸಲಾಗಿದೆ.
