ನಟ ಸತ್ಯರಾಜ್ ಗೆ ಕೋವಿಡ್‌ ದೃಢ
ಚೆನೈ : ತಮಿಳು ನಟ ಸತ್ಯರಾಜ್‌ಗೆ ಕೋವಿಡ್‌ ಸೋಂಕು ತಗುಲಿದೆ. ಚೆನೈನ ಖಾಸಗಿ ಆಸ್ಪತ್ರೆಗೆ ದಾಖಲಾಗಿರುವ ಸತ್ಯರಾಜ್ ಅವರ ಹೆಲ್ತ್ ಬುಲೆಟಿನ್‌ ಶೀಘ್ರವೇ ಹೊರ ಬೀಳಲಿದೆ.
ಬಾಹುಬಲಿಯ ಕಟ್ಟಪ್ಪ ಎಂದೇ ಖ್ಯಾತಿ ಪಡೆದಿರುವ ಸತ್ಯರಾಜ್ ಅವರಿಗೆ ಸೌಮ್ಯ ಗುಣಲಕ್ಷಣಗಳು ಕಾಣಿಸಿಕೊಂಡಿವೆ. ಇನ್ನು ಚಿತ್ರ ನಿರ್ದೇಶಕರಾದ ಪ್ರಿಯದರ್ಶನ್‌ ಅವರಿಗೂ ಕೊರೊನಾ ಸೋಂಕು ತಗುಲಿದೆ. ಅವರು ನಗರದ ಅಪೋಲೋ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.
ಮೂರನೇ ಅಲೆಯ ಕಾರಣ ದಿನದಿಂದ ದಿನಕ್ಕೆ ಸೋಂಕಿತರ ಸಂಖ್ಯೆ ಹೆಚ್ಚಾಗುತ್ತಲೇ ಇದೆ. ಇತ್ತೀಚೆಗೆ ಪ್ರಿನ್ಸ್‌ ಮಹೇಶ್‌ ಬಾಬು, ತ್ರಿಶಾ, ಸಂಗೀತ ನಿರ್ದೇಶಕ ಥಮನ್‌, ಮತ್ತು ಇನ್ನು ಮುಂತಾದವರಿಗೆ ಕೊರೊನಾ ಪಾಸಿಟಿವ್‌ ಬಂದಿದೆ.
