ಜೇಮ್ಸ್ ಸಿನಿಮಾ ಪ್ರೀ ರಿಲೀಸ್ ಈವೆಂಟ್‌ಗೆ ಮೆಗಾಸ್ಟಾರ್‌, ಜ್ಯೂ.ಎನ್ಟಿಆರ್ ಚೀಫ್‌ ಗೆಸ್ಟ್-ಇದು ನಮ್ಮ ಕರ್ತವ್ಯ ಎಂದ ನಾಯಕರು
ಬೆಂಗಳೂರು: ಆಕಸ್ಮಿಕ ಸಾವಿನಿಂದ ಕನ್ನಡಿಗರ ಪಾಲಿಗೆ ದುಃಖವನ್ನು ಬಿಟ್ಟು ಹೋದ ಪುನೀತ್ ರಾಜ್ ಕುಮಾರ್ ಅವರ ತಮ್ಮ ಕೊನೆಯ ಚಿತ್ರ ಜೇಮ್ಸ್ ಮೂಲಕ ತೆರೆ ಮೇಲೆ ಅಭಿಮಾನಿಗಳ ಮುಂದೆ ಬರ್ತಿದ್ದಾರೆ. ಜೇಮ್ಸ್ ಚಿತ್ರದ ಮೂಲಕ ಪುನೀತ್‌ಗೆ ಶ್ರದ್ಧಾಂಜಲಿ ಸಲ್ಲಿಸಲು ಸ್ಯಾಂಡಲ್ ವುಡ್ ಮುಂದಾಗಿದೆ. ಆ ನಿಟ್ಟಿನಲ್ಲಿ ಸಿನಿಮಾ ಪ್ರಿ ರಿಲೀಸ್ ಕಾರ್ಯಕ್ರಮಕ್ಕೆ ಟಾಲಿವುಡ್‌ ಸ್ಟಾರ್ಸ್‌ಗೆ ಆಹ್ವಾನ ನೀಡಲಾಗಿದೆ.
ಪುನೀತ್ ರಾಜ್‌ಕುಮಾರ್ ಅವರ ಕೊನೆಯ ಚಿತ್ರ ಜೇಮ್ಸ್ ರಿಲೀಸ್ ಬಗ್ಗೆ ಉತ್ತಮ ಪ್ರಚಾರ ನಡೆಯುತ್ತಿದೆ. ಈ ಮೂಲಕ ಅಪ್ಪುಗೆ ಸಂದ ಗೌರವವಾಗಿದೆ. ಜೇಮ್ಸ್‌ಗಾಗಿ ಕನ್ನಡ ಇಂಡಸ್ಟ್ರಿ ದೊಡ್ಡ ಮಟ್ಟದ ಪ್ರಿ-ರಿಲೀಸ್ ಕಾರ್ಯಕ್ರಮವನ್ನು ಆಯೋಜಿಸಿದೆ. ಮಾರ್ಚ್ 17 ರಂದು ಚಿತ್ರ ಬಿಡುಗಡೆಯಾಗುವ ಸಲುವಾಗಿ ಮಾರ್ಚ್ 6 ರಂದು ಪ್ರಿ-ರಿಲೀಸ್ ಫಂಕ್ಷನ್ ನಡೆಯಲಿದೆ.
ಜೇಮ್ಸ್ ಪ್ರಿ-ರಿಲೀಸ್ ಈವೆಂಟ್‌ಗೆ ಚಿರಂಜೀವಿ ಮತ್ತು ಎನ್ಟಿಆರ್ ಅವರನ್ನು ಮುಖ್ಯ ಅತಿಥಿಗಳಾಗಿ ಆಹ್ವಾನಿಸಲಾಗಿದೆ. ಇದಕ್ಕೆ ಚಿರು ಮತ್ತು ತಾರಕ್ ಕೂಟ ಒಪ್ಪಿಕೊಂಡಿದ್ದು, ಕಾರ್ಯಕ್ರಮಕ್ಕೆ ಬರಲು ಸಿದ್ದರಿದ್ದಾರೆ. ಪುನೀತ್ ಜೊತೆ ಉತ್ತಮ ಬಾಂಧವ್ಯ ಹೊಂದಿರುವ ಚಿರು ಮತ್ತು ತಾರಕ್ ಇಬ್ಬರೂ ಒಂದೇ ವೇದಿಕೆಯಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಜೇಮ್ಸ್ ಚಿತ್ರ ತೆಲುಗಿನಲ್ಲೂ ಬರುತ್ತಿರುವುದರಿಂದ ತೆಲುಗು ತಾರೆಯರು ಆ ಸಿನಿಮಾವನ್ನು ಅಲ್ಲಿ ಪ್ರಚಾರ ಮಾಡುವ ಮೂಲಕ ತಮ್ಮ ಜವಾಬ್ದಾರಿಯನ್ನು ನಿಭಾಯಿಸುತ್ತಿದ್ದಾರೆ.
ಪ್ಯಾಚ್‌ವರ್ಕ್ ಹೊರತುಪಡಿಸಿ ಚಿತ್ರೀಕರಣ ಪೂರ್ಣಗೊಂಡಿರುವ ಕಾರಣ ಜೇಮ್ಸ್ ಚಿತ್ರದ ಪೋಸ್ಟ್-ಪ್ರೊಡಕ್ಷನ್ ಶುರು ಮಾಡಿದ್ದಾರೆ. ಶಿವರಾಜ್ ಕುಮಾರ್ ಅವರು ಪುನೀತ್ ರಾಜ್ ಕುಮಾರ್ ಅವರ ಪಾತ್ರಕ್ಕೆ ಡಬ್ ಮಾಡಿ ತಮ್ಮ ಸಹೋದರನಿಗೆ ಗೌರವ ಸಲ್ಲಿಸಿದ್ದಾರೆ. ಇತ್ತೀಚೆಗೆ ಬಿಡುಗಡೆಯಾದ ಜೇಮ್ಸ್ ಟ್ರೈಲರ್ ಗೆ ಪಾಸಿಟಿವ್ ರೆಸ್ಪಾನ್ಸ್ ಸಿಕ್ಕಿದೆ. ಪ್ಯಾನ್ ಇಂಡಿಯಾ ಶ್ರೇಣಿಯಲ್ಲಿ ಎಲ್ಲಾ ಪ್ರಮುಖ ಭಾಷೆಗಳಲ್ಲಿ ಮಾರ್ಚ್ 17ರಂದು ಬಿಡುಗಡೆಯಾಗಲಿದೆ.
