ಸಿಎಂ ಸ್ಥಾನ ಅಲಂಕರಿಸಿದ ಅರಸೀಕೆರೆ ಶಾಸಕ ಶಿವಲಿಂಗೇಗೌಡ
ಹಾಸನ; ಅರಸೀಕೆರೆ ಶಾಸಕ ಕೆ.ಎಂ.ಶಿವಲಿಂಗೇಗೌಡ ಅವರು ಜೆಡಿಎಸ್‌ ಬಿಟ್ಟು ಕಳೆದ ಚುನಾವಣೆಯಲ್ಲಿ ಕಾಂಗ್ರೆಸ್‌ನಿಂದ ಸ್ಪರ್ಧೆ ಮಾಡಿ ಚುನಾಯಿತರಾಗಿದ್ದಾರೆ. ಅವರು ಮಂತ್ರಿಯಾಗುವ ಆಸೆಯಿಂದಲೇ ಕಾಂಗ್ರೆಸ್‌ಗೆ ಬಂದಿದ್ದರು. ಆದ್ರೆ ಅವರಿಗೆ ಮಂತ್ರಿ ಸ್ಥಾನ ಸಿಗಲಿಲ್ಲ. ಆದ್ರೆ ಇದೀಗ ಅವರು ಮುಖ್ಯಮಂತ್ರಿಯಾಗಿದ್ದಾರೆ. ಮುಖ್ಯಮಂತ್ರಿ ಖುರ್ಚಿಯಲ್ಲಿ ಕುಳಿತು ದರ್ಬಾರ್‌ ನಡೆಸುತ್ತಿದ್ದಾರೆ.
ಆದ್ರೆ ಇದು ರಿಯಲ್‌ ಸಿಎಂ ಹುದ್ದೆಯಲ್ಲ. ರೀಲ್‌ ಸಿಎಂ ಹುದ್ದೆ. ಹೌದು, ಶಾಸಕ ಶಿವಲಿಂಗೇಗೌಡರು ಸಿನಿಮಾವೊಂದರಲ್ಲಿ ನಟಿಸುತ್ತಿದ್ದಾರೆ. ಅದರಲ್ಲಿ ಅವರದ್ದು ಸಿಎಂ ಪಾತ್ರ. ‘ನಮ್ ಶಾಲೆ’ ಹೆಸರಿನ ಚಿತ್ರದಲ್ಲಿ ಶಿವಲಿಂಗೇಗೌಡರು ನಟನೆ ಮಾಡುತ್ತಿದ್ದು ಇದೇ ಮೊದಲ ಬಾರಿಗೆ ಅವರು ಬಣ್ಣ ಹಚ್ಚಿದ್ದಾರೆ.
ಹದಿನೈದು ದಿನಗಳಿಂದ ಅರಸೀಕೆರೆ ತಾಲ್ಲೂಕಿನ ಗೀಜಿಹಳ್ಳಿಯಲ್ಲಿ ಚಿತ್ರದ ಶೂಟಿಂಗ್ ನಡೆಯುತ್ತಿದೆ. ಇಂದು ಇದರಲ್ಲಿ ಸಿಎಂ ಪಾತ್ರದಲ್ಲಿ ಶಿವಲಿಂಗೇಗೌಡರು ನಟಿಸುತ್ತಿದ್ದಾರೆ. ಕಳೆದ ಹದಿನೈದು ದಿನಗಳಿಂದ ಗೀಜಿಹಳ್ಳಿಯಲ್ಲಿ ಸಿನಿಮಾದ ಶೂಟಿಂಗ್ ನಡೆಯುತ್ತಿದೆ. ಕೃಷ್ಣ ಬೆಳ್ತಂಗಡಿಈ ಚಿತ್ರದ ನಿರ್ದೇಶಕರಾಗಿದ್ದು, ರವಿ ಆಚಾರ್ ನಿರ್ಮಾಣ ಮಾಡುತ್ತಿದ್ದಾರೆ.
