ತಮಿಳು ನಟ ಶಿಂಬು ಕಾರು ಡಿಕ್ಕಿ; ವಿಕಲಚೇತನ ವೃದ್ಧ ಸ್ಥಳದಲ್ಲೇ ಸಾವು..!

ಚೆನ್ನೈ: ತಮಿಳು ನಟ ಶಿಂಬು ಅವರ ಮಾಲೀಕತ್ವದ ಕಾರು ವೃದ್ಧರೊಬ್ಬರ ಮೇಲೆ ಹರಿದಿದ್ದು, ವಿಕಲಚೇತನ ವೃದ್ಧ ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ. ಕಾರು ವೃದ್ಧನ ಮೇಲೆ ಹರಿಸಿದ ನಂತರ, ಚಾಲಕ ಕಾರನ್ನು ನಿಲ್ಲಿಸದೇ ಅಲ್ಲಿಂದ ಪರಾರಿಯಾಗಿದ್ದ. ಈ ಘಟನೆ ಮಾರ್ಚ್‌ 18 ರಂದು ನಡೆದಿದ್ದು, ಸಿಸಿಟಿವಿ ಆಧಾರದ ಮೇಲೆ ನಟ ಶಂಬು ಅವರ ಕಾರು ಚಾಲಕ ಸೆಲ್ವಂನನ್ನು ಪೊಲೀಸರು ಬಂಧಿಸಿದ್ದಾರೆ.

ಎಪ್ಪತ್ತು ವರ್ಷದ ಮುನಿಸ್ವಾಮಿ ಎಂಬುವವರು ಅಂಗವಿಕಲರಾಗಿದ್ದು, ರಸ್ತೆಯಲ್ಲಿ ತೆವಲುತ್ತಾ ಹೋಗುತ್ತಿದ್ದರು. ಈ ವೇಳೆ ಬಂದ ಶಿಂಬು ಅವರ ಕಾರು ವೃದ್ಧನ ಮೇಲೆ ಹತ್ತಿದೆ. ನಂತರ ಕಾರು ನಿಲ್ಲಿಸದೇ ಚಾಲಕ ಪರಾರಿಯಾಗಿದ್ದ. ಅಂದಹಾಗೆ, ಕಾರಿನಲ್ಲಿ ಯಾರ್ಯಾರು ಇದ್ದರು..? ನಟ ಸಿಂಬು ಕೂಡಾ ಇದ್ದರೇ ಎಂಬುದರ ಬಗ್ಗೆ ತನಿಖೆ ನಡೆಯುತ್ತಿದೆ.