Karnataka Bandh; ಟೌನ್‌ಹಾಲ್‌ನಲ್ಲಿ ಭಾರಿ ಪೊಲೀಸ್‌ ಬಂದೋಬಸ್ತ್‌
ಬೆಂಗಳೂರು; ವಾಟಾಳ್‌ ನಾಗರಾಜ್‌ ನೇತೃತ್ವದಲ್ಲಿ ಇಂದು ಕರ್ನಾಟಕ ಬಂದ್‌ ನಡೆಸಲಾಗುತ್ತಿದೆ. ಬಂದ್‌ಗೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ. ಇನ್ನೊಂದೆಡೆ ಟೌನ್‌ಹಾಲ್‌ ಮೂಲಕ ಫ್ರೀಡಂಪಾರ್ಕ್‌ವರೆಗೆ ಬೃಹತ್‌ ಮೆರವಣಿಗೆ ನಡೆಸಲು ತೀರ್ಮಾನಿಸಲಾಗಿತ್ತು. ಬೆಳಗ್ಗೆ ಹತ್ತು ಗಂಟೆಗೆ ಮೆರವಣಿಗೆ ಶುರುವಾಗಬೇಕಿತ್ತು. ಆದ್ರೆ ಇದನ್ನು ತಡೆಯೋ ಪ್ರಯತ್ನವನ್ನು ಪೊಲೀಸರು ಮಾಡುತ್ತಿದ್ದಾರೆ.
ಟೌನ್‌ಹಾಲ್‌ನಲ್ಲಿ ನೂರಾರು ಪೊಲೀಸರನ್ನು ನಿಯೋಜನೆ ಮಾಡಲಾಗಿದೆ. ಪ್ರತಿಭಟನಾಕಾರರು ಸ್ಥಳಕ್ಕೆ ಬಂದರೆ ಅವರನ್ನು ಬಂಧಿಸಿ ವಾಹನಗಳಲ್ಲಿ ಅವರನ್ನು ಫ್ರೀಡಂ ಪಾರ್ಕ್‌ಗೆ ಸ್ಥಳಾಂತರ ಮಾಡಲಾಗುತ್ತಿದೆ. ಟೌನ್‌ಹಾಲ್‌ನಲ್ಲಿ ಯಾರೂ ಸೇರದಂತೆ ನೋಡಿಕೊಳ್ಳಲಾಗಿದೆ. ಈಗಾಗಲೇ ನೂರಾರು ಬೆಂಬಲಿಗರನ್ನು ಬಂಧಿಸಿ, ಫ್ರೀಡಂ ಪಾರ್ಕ್‌ಗೆ ಕರೆತರಲಾಗಿದೆ.
ಪ್ರತಿಭಟನಾಕರರನ್ನು ಅಲ್ಲಲ್ಲೇ ಬಂಧಿಸುತ್ತಿರುವುದರಿಂದ ಟೌನ್‌ಹಾಲ್‌ನಿಂದ ಪ್ರತಿಭಟನಾ ಮೆರವಣಿಗೆ ನಡೆಯುವುದು ಅನುಮಾನ. ಫ್ರೀಡಂ ಪಾರ್ಕ್‌ನಲ್ಲಿ ಪ್ರತಿಭಟನಾ ಸಭೆ ನಡೆಯುವ ಸಾಧ್ಯತೆ ಇದೆ.
