ಮೊನ್ನೆ ಕಾಂಗ್ರೆಸ್‌ ಸೇರಿದರು; ಇವತ್ತು ಬಿಜೆಪಿಗೆ ವಾಪಸ್ಸಾದರು..!
ಬೆಂಗಳೂರು; ಮೊನ್ನೆ ತಾನೇ ಬಿಜೆಪಿ ಬಿಟ್ಟು ಕಾಂಗ್ರೆಸ್‌ ಸೇರಿದ್ದ ಹಲವರು ಬಿಜೆಪಿ ಮುಖಂಡರು ಇಂದು ಮತ್ತೆ ಘರ್‌ ವಾಪಸಿಯಾಗಿದ್ದಾರೆ. ಚಿಕ್ಕಕಲ್ಲಸಂದ್ರ ವಾರ್ಡ್‌ನ ಹಲವರು ಬಿಜೆಪಿ ತೊರೆದು ಕಾಂಗ್ರೆಸ್‌ ಸೇರಿದ್ದರು. ಇದೀಗ ಅವರು ಮತ್ತೆ ಬಿಜೆಪಿಗೆ ವಾಪಸ್ಸಾಗಿದ್ದಾರೆ. ಮಾಜಿ ಸಚಿವ ಆರ್‌.ಅಶೋಕ್‌ ಅವರನ್ನು ಭೇಟಿಯಾಗಿ ಅವರು ಮತ್ತೆ ಮಾತೃಪಕ್ಷಕ್ಕೆ ಮರಳಿದ್ದಾರೆ.
ಪಾಲಿಕೆ ಮಾಜಿ ಸದಸ್ಯರಾದ ವೆಂಕಟಸ್ವಾಮಿ ನಾಯ್ಡು ಹಾಗೂ ಸುಪ್ರಿಯಾ ಶೇಖರ್‌ ಅವರು ಬಿಜೆಪಿಗೆ ಸೇರಿದ್ದಾರೆ. ಶಾಲು ಹೊದಿಸುವ ಮೂಲಕ ಆರ್‌.ಅಶೋಕ್‌ ಅವರು ಮತ್ತೆ ಬಿಜೆಪಿಗೆ ಸೇರಿಸಿಕೊಂಡಿದ್ದಾರೆ.
