ಸದ್ದಿಲ್ಲದೇ ಶುರು ಆಯ್ತು ನಿಖಿಲ್‌ ಕುಮಾರಸ್ವಾಮಿ ಅವರ ಹೊಸ ಚಿತ್ರ
ನಿಖಿಲ್‌ ಕುಮಾರಸ್ವಾಮಿ ರಾಜಕೀಯ ಮತ್ತು ಚಿತ್ರರಂಗ ಎರಡರಲ್ಲೂ ಸಕ್ರಿಯರಾಗಿದ್ದಾರೆ. ಇತ್ತೀಚೆಗಷ್ಟೇ ಅವರ ಅಭಿನಯದ ರೈಡರ್‌ ಸಿನಿಮಾ ತೆರೆ ಕಂಡಿತ್ತು. ಉತ್ತಮ ಪ್ರತಿಕ್ರಿಯೇ ಕೂಡ ಸಿನಿಮಾಗೆ ಸಿಕ್ಕಿತ್ತು. ಈಗ ನಿಖಿಲ್‌ ಅವರು ಸದ್ದಿಲ್ಲದೆ ಮತ್ತೊಂದು ಸಿನಿಮಾ ಕೆಲಸ ಶುರು ಮಾಡಿದ್ದಾರೆ.
ಮಂಜು ಅಥರ್ವನಿರ್ದೇಶನದಲ್ಲಿ ಈ ಸಿನಿಮಾ ಮೂಡಿ ಬರಲಿದೆ. ಈಗಾಗಲೇ ಚಿತ್ರೀಕರಣ ಕೂಡ ಚಾಲು ಆಗಿದೆ. ಮಂಜು ಅಥರ್ವ ಅವರಿಗೆ ಯಶ್‌, ಶಿವಣ್ಣ, ನೆನಪಿರಲಿ ಪ್ರೇಂ ಅವರ ಸಿನಿಮಾಗಳಲ್ಲಿ ಸಹಾಯಕ ನಿರ್ದೇಶಕರಾಗಿ ಕೆಲಸ ಮಾಡಿದ ಅನುಭವ ಇದೆ.
ಸದ್ಯಕ್ಕೆ ಟೈಟಲ್‌ ಫಿಕ್ಸ್‌ ಆಗದ ಈ ಸಿನಿಮಾದಲ್ಲಿ ಫೈಟ್‌ ಇರಲಿದೆ, ಲವ್‌ ಇರಲಿದೆ ಎಂಬ ಮಾಹಿತಿಯನ್ನಷ್ಟೇ ನಿರ್ದೇಶಕರು ಹೇಳಿದ್ದಾರೆ. ಕೆವಿಎನ್‌ ಪ್ರೊಡಕ್ಷನ್‌ ಸಂಸ್ಥೆ ಈ ಸಿನಿಮಾ ನಿರ್ಮಾಣ ಮಾಡಲಿದೆ.
ಮೊದಲ ಬಾರಿಗೆ ನಿರ್ದೇಶಕರಾಗಿ ಬಡ್ತಿ ಪಡೆದಿರುವ ಮಂಜು ಅಥರ್ವ ಅವರು ನಿಖಿಲ್‌ ಕುಮಾರಸ್ವಾಮಿ ಅವರಿಗೆ ಹೇಳಿದಾಗ ಸೆಕೆಂಡ್‌ ಕೂಡ ಯೋಚಿಸದೆ ಗ್ರೀನ್‌ ಸಿಗ್ನಲ್‌ ಕೊಟ್ಟಿದ್ದರೆ.
ಮತ್ತಷ್ಟು ಮಾಹಿತಿಯನ್ನು ಚಿತ್ರತಂಡ ಮುಂದಿನ ದಿನಗಳಲ್ಲಿ ಹಂಚಿಕೊಳ್ಳಲಿದೆ
