ಮೊದಲ ಬಾರಿಗೆ ಮಗಳ ಫೋಟೋ ರಿವೀಲ್‌ ಮಾಡಿದ ನೀನಾಸಂ ಸತೀಶ್
ಬೆಂಗಳೂರು : ನೀನಾಸಂ ಸತೀಶ್ ಅವರು ಮೊದಲ ಬಾರಿಗೆ ತಮ್ಮ ಮಗಳ ಚಿತ್ರವನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹರಿ ಬಿಟ್ಟಿದ್ದಾರೆ. ಸತೀಶ್ ಅವರ ಮುದ್ದು ಮಗಳ ಹೆಸರು ಮನಸ್ವಿತ. ಸತೀಶ್ ಅವರ ಮಗಳಿಗೆ ಈಗ ೬ ವರ್ಷ ನಡೆಯುತ್ತಿದೆ.
ಸತೀಶ್ ಹಾಕಿರುವ ಫೋಟೋಗೆ ಕೆಲ ಅಭಿಮಾನಿಗಳು ಖುಷಿ ಪಟ್ಟರೆ ಇನ್ನು ಕೆಲವರು ಅಚ್ಚರಿ ವ್ಯಕ್ತಪಡಿಸುತ್ತಿದ್ದಾರೆ. ನಿಮಗೆ ಇಷ್ಟು ದೊಡ್ಡ ಮಗಳು ಇದ್ದಾಳೆಯೇ ಎಂದು ಪ್ರಶ್ನಿಸಿದ್ದಾರೆ.
ತಮ್ಮ ಪೋಸ್ಟ್‌ನಲ್ಲಿ ಸತೀಶ್ ಹೀಗೆ ಬರೆದಿದ್ದಾರೆ.
ನಿಮಗೆಲ್ಲ ಸಂಕ್ರಾಂತಿ ಶುಭಾಶಯ ಕೋರುತ್ತಿದ್ದಾಳೆ,ನನ್ನ ಮಗಳು “ಮನಸ್ವಿತ”…
ಇದು ಸಾಮಾಜಿಕ ಜಾಲತಾಣದಲ್ಲಿ ಹಾಕುತ್ತಿರುವ ಅವಳ ಮೊದಲ ಚಿತ್ರ.ಅವಳ ಪ್ರೈವೆಸಿಯ ಕಾರಣದಿಂದ ಇದುವರೆಗು ನಮ್ಮ ಕುಟುಂಬ,ಯಾವ ಚಿತ್ರಗಳನ್ನು ಹಂಚಿಕೊಂಡಿಲ್ಲ.
ಅಭಿಮಾನಿಗಳು ಮತ್ತು ಸ್ನೇಹಿತರು ನನ್ನ ಮಗಳ ಚಿತ್ರ ಹಂಚಿಕೊಳ್ಳುವಂತೆ ಕೇಳಿಕೊಂಡ ಕಾರಣ ಈ ಚಿತ್ರ ಹಾಕುತ್ತಿರುವೆ.ನಮ್ಮ ಕುಟುಂಬದ ಮೇಲೆ ನಿಮ್ಮ ಪ್ರೀತಿ ಹಾರೈಕೆ ಎಂದಿನಂತೆ ಸದಾ ಇರಲಿ.
(ಇದು ಅವಳ ಮೊದಲ ವರ್ಷ ತೆಗೆದ ಚಿತ್ರ, ಈಗ ಅವಳು 5ತುಂಬಿ 6ರ ಹೆಜ್ಜೆ ಇಡುತ್ತಿದ್ದಾಳೆ.)
ಧನ್ಯವಾದಗಳೊಂದಿಗೆ,
ಸುಪ್ರೀತಾ,ಮನಸ್ವಿತ,ಸತೀಶ್.
ಸತೀಶ್ ನೀನಾಸಂ ಅವರು ತಮ್ಮ ಫ್ಯಾಮಿಲಿಯ ಫೋಟೋಗಳನ್ನಾಗಲಿ, ಮಡದಿಯ ಫೋಟೋ ಆಗಲಿ ಎಲ್ಲಿಯೂ ರಿವೀಲ್‌ ಮಾಡಿಲ್ಲ. ಇದು ಅವರ ಪ್ರೈವೆಸಿಯನ್ನು ಹಾಳು ಮಾಡಿಬಿಡುತ್ತೆ ಎಂಬುದು ಸತೀಶ್ ಅವರ ಆಲೋಚನೆ.
