ರಾಜಕೀಯ ಸೇರೋ ಬಗ್ಗೆ ಅಂತಿಮ ನಿರ್ಧಾರವಿಲ್ಲ-ಹರ್ಭಜನ್​ ಸಿಂಗ್​​

ನವದೆಹಲಿ : ರಾಜಕೀಯ ಸೇರಿಕೊಳ್ಳಲು ಕಾಂಗ್ರೆಸ್​​​ ಸೇರಿದಂತೆ ವಿವಿಧ ಪಕ್ಷಗಳಿಂದ ಆಫರ್​​ ಬಂದಿವೆ ಎಂದು ಮಾಜಿ ಕ್ರಿಕೆಟಿಗ ಹರ್ಭಜನ್​ ಸಿಂಗ್ ಹೇಳಿದರು. ಸುದ್ದಿಗಾರರೊಂದಿಗೆ ಮಾತನಾಡಿ,
ಸುಮಾರು 23 ವರ್ಷಗಳ ಕಾಲ ಟೀಂ ಇಂಡಿಯಾದ ಭಾಗವಾಗಿದ್ದ ಹರ್ಭಜನ್​ ಸಿಂಗ್​​ 2016ರಿಂದ ಮೈದಾನಕ್ಕಿಳಿದಿರಲಿಲ್ಲ. ಆದರೆ, ಐಪಿಎಲ್​​ನಲ್ಲಿ ವಿವಿಧ ತಂಡಗಳ ಪರವಾಗಿ ಆಟವಾಡಿರುವ ಇವರು, ನಿನ್ನೆ ಎಲ್ಲ ಮಾದರಿ ಕ್ರಿಕೆಟ್​​ನಿಂದ ನಿವೃತ್ತಿ ಪಡೆದುಕೊಳ್ಳುತ್ತಿರುವುದಾಗಿ ಘೋಷಣೆ ಮಾಡಿದ್ದರು.ಇದರ ಬೆನ್ನಲ್ಲೇ ತಮ್ಮ ಮುಂದಿನ ಭವಿಷ್ಯದ ಬಗ್ಗೆ ಮಾತನಾಡಿರುವ ಹರ್ಭಜನ್​​, ರಾಜಕೀಯ ಸೇರಿಕೊಳ್ಳುವುದಕ್ಕೆ ಸಂಬಂಬಂಧಿಸಿದಂತೆ ಇಲ್ಲಿಯವರೆಗೆ ಯಾವುದೇ ರೀತಿಯ ಅಂತಿಮ ನಿರ್ಧಾರ ಕೈಗೊಂಡಿಲ್ಲ ಎಂದಿದ್ದಾರೆ. ಈಗಾಗಲೇ ವಿವಿಧ ಪಕ್ಷಗಳಿಂದ ಆಫರ್​​ ಬಂದಿದ್ದು, ಕಾಂಗ್ರೆಸ್​​ನ ನವಜೋತ್​​ ಸಿಂಗ್​​ ಸಿಧು ಅವರೊಂದಿಗೆ ಮಾತುಕತೆ ಸಹ ನಡೆಸಿದ್ದೇನೆ. ಅವರು ಕಾಂಗ್ರೆಸ್​ ಸೇರಿಕೊಳ್ಳುವಂತೆ ಆಫರ್​ ನೀಡಿದ್ದು, ಈವರೆಗೆ ನಾನು ಯಾವುದೇ ಫೈನಲ್​​​ ನಿರ್ಧಾರ ಕೈಗೊಂಡಿಲ್ಲ ಎಂದರು.ಎಲ್ಲ ಪಕ್ಷದ ರಾಜಕೀಯ ಮುಖಂಡರ ಬಗ್ಗೆ ನನಗೆ ಗೊತ್ತಿದೆ. ಪಕ್ಷ ಸೇರಿಕೊಳ್ಳುವುದಕ್ಕೂ ಮುಂಚಿತವಾಗಿ ನಾನು ಅದರ ಬಗ್ಗೆ ಖುದ್ದಾಗಿ ಘೋಷಣೆ ಮಾಡುತ್ತೇನೆ. ಪಂಜಾಬ್​​​ನಲ್ಲಿ ಸೇವೆ ಸಲ್ಲಿಸಲು ನಾನು ಸಿದ್ಧನಾಗಿದ್ದೇನೆ. ಅದು ರಾಜಕೀಯ ಅಥವಾ ಬೇರೆ ಯಾವುದೇ ಮಾರ್ಗವಾಗಿರಬಹುದು ಎಂದಿದ್ದಾರೆ.

I know politicians from every party. I'll make an announcement beforehand if I'll join any party. Will serve Punjab, maybe via politics or something else, no decision has been taken yet:India off-spinner Harbhajan Singh announced his retirement from all forms of cricket on Friday pic.twitter.com/TTOd5lSRNW

— ANI (@ANI) December 25, 2021