ಎಜಾಜ್‌ ಪಟೇಲ್‌ ೧೦ ವಿಕೆಟ್‌ ಸಾಧನೆ – MCA ಮ್ಯೂಸಿಯಂ ಸೇರಲಿದೆ ಚೆಂಡು
ಮುಂಬೈ : ಇತ್ತೀಚೆಗೆ ನಡೆದ ಭಾರತ ಮತ್ತು ನ್ಯೂಜಿಲೆಂಡ್‌ ಪಂದ್ಯದ ಒಂದೇ ಇನ್ನಿಂಗ್ಸ್‌ನಲ್ಲಿ ೧೦ ವಿಕೆಟ್‌ ಸಾಧನೆ ಮಾಡಿದ ಎಜಾಜ್‌ ಪಟೇಲ್‌ ಅವರಿಗೆ ಸಾಕಷ್ಟು ಜನರು ಅಭಿನಂಧಿಸಿದ್ದರು. ಎಜಾಜ್‌ ಪಟೇಲ್‌ ೧೦ ವಿಕೆಟ್‌ ಪಡೆದ ಚೆಂಡಿಗೆ ಮುಂಬೈ ಕ್ರಿಕೆಟ್‌ ಸಂಸ್ಥೆ ವಿಶೇಷ ಸ್ಥಾನ ನೀಡಲು ತೀರ್ಮಾನಿಸಿದೆ.
ಚೆಂಡನ್ನು ವಸ್ತು ಸಂಗ್ರಹಾಲಯದಲ್ಲಿ ಇರಿಸಲಾಗುವುದು ಎಂದು ಅಧ್ಯಕ್ಷ ವಿಜಯ್‌ ಪಾಟೀಲ್‌ ತಿಳಿಸಿದ್ದಾರೆ. ಪಟೇಲ್‌ ಅವರ ಸಾಧನೆ ಅಮೋಘವಾದದ್ದು, ವಾಂಖೇಡೆ ಈ ಸಾಧನೆಗೆ ಸಾಕ್ಷಿಯಾಗಿದೆ. ಪ್ರೈಡ್‌ ಆಫ್‌ ದಿ ಪ್ಲೇಸ್‌ ಗೌರವದೊಂದಿಗೆ ಇದನ್ನು ಇರಿಸಲಾಗುವುದು. ಇದರಿಂದ ಭವಿಷ್ಯದ ಆಟಗಾರರಿಗೆ ಸ್ಪೂರ್ತಿ ಸಿಗಲಿದೆ ಎಂದು ತಿಳಿಸಿದರು.
