ಉದ್ಯಮಿಗೆ ಚಾಕುವಿನಿಂದ ಇರಿದು ಮನೆ ದರೋಡೆ!; ಬೆಚ್ಚಿಬಿದ್ದ ಮಂಗಳೂರಿನ ಜನ!

ಮಂಗಳೂರು; ಮಂಗಳೂರಿನ ಹೊರವಲಯದ ಪೆರ್ಮಂಕಿ ಎಂಬಲ್ಲಿ ಮನೆಯೊಂದರಲ್ಲಿ ದರೋಡೆ ಮಾಡಲಾಗಿದೆ.. ಉದ್ಯಮಿ ಹಾಗೂ ಸಿವಿಲ್‌ ಕಾಂಟ್ರಾಕ್ಟರ್‌ ಮನೆಗೆ ನುಗ್ಗಿರುವ ದರೋಡೆಕೋರರು, ಮನೆಯೊಡತಿಯನ್ನು ಕಟ್ಟಿ ಹಾಕಿದ್ದಾರೆ.. ಅನಂತರ ಅಡ್ಡ ಬಂದ ಉದ್ಯಮಿಗೆ ಚಾಕು ಇರಿದಿದ್ದಾರೆ.. ಮನೆಯಲ್ಲಿದ್ದ ಚಿನ್ನಾಭರಣ ಹಾಗೂ ಹಣ ದೋಚಿ ಪರಾರಿಯಾಗಿದ್ದಾರೆ..

ಪದ್ಮನಾಭ ಕೊಟ್ಯಾನ್‌ ಎಂಬುವವರ ಮನೆಯಲ್ಲೇ ಈ ದರೋಡೆ ನಡೆದಿರುವುದು.. ಇವರು ಉದ್ಯಮಿಯಾಗಿದ್ದು, ಜೊತೆಗೆ ಸಿವಿಲ್‌ ಕಾಂಟ್ರಾಕ್ಟರ್‌ ಕೂಡಾ ಆಗಿದ್ದಾರೆ.. ಇನ್ನೋವಾ ಕಾರಿನಲ್ಲಿ ಬಂದಿದ್ದ ಎಂಟು ಮಂದಿ ದರೋಡೆಕೋರರು ಮಾಸ್ಕ್‌ ಧರಿಸಿದ್ದರು ಎಂದು ತಿಳಿದುಬಂದಿದೆ.. ಚಾಕು ತೋರಿಸಿ ಮನೆಯಲ್ಲಿದ್ದವರನ್ನು ಬೆದರಿಸಲಾಗಿದೆ.. ಈ ವೇಳೆ ಪ್ರತಿರೋಧ ತೋರಿದ ಉದ್ಯಮಿ ಪದ್ಮನಾಭ ಕೋಟ್ಯಾನ್‌ ಭುಜಕ್ಕೆ ಚೂರಿಯಿಂದ ಇರಿಯಲಾಗಿದೆ..

ಸಿಸಿಟಿವಿಯಲ್ಲಿ ದರೋಡೆಕೋರರ ಚಹರೆ ಪತ್ತೆಯಾಗಿದ್ದು, ಇದರ ಆಧಾರದ ಮೇಲೆ ಪೊಲೀಸರು ಆರೋಪಿಗಳಿಗಾಗಿ ಹುಡುಕಾಟ ನಡೆಸುತ್ತಿದ್ದಾರೆ..