ಅಕ್ಕಿ ಒಳ್ಳೆಯದಾ..? ಗೋಧಿ ಒಳ್ಳೆಯದಾ..?; ಯಾವುದು ದೇಹಕ್ಕೆ ಉತ್ತಮ.?

ಬೆಂಗಳೂರು; ಮೊದಲು ಹೊಟ್ಟೆ ತುಂಬಾ ಊಟ ಮಾಡಿ ಎಂದು ಹೇಳುತ್ತಿದ್ದರು.. ಆದ್ರೆ ಈಗ ಹೊಟ್ಟೆ ತುಂಬಾ ಊಟ ಮಾಡೋಕೆ ಮೈಮೇಲೆ ಸವಾರಿ ಮಾಡುತ್ತಿರುವ ಕಾಯಿಲೆಗಳು ಬಿಡುವುದಿಲ್ಲ.. ಹೊಟ್ಟೆ ತುಂಬಾ ತಿನ್ನೋದಿರಲಿ, ಇಂತಹದ್ದೇ ಊಟ ಮಾಡಬೇಕು, ಇಂತಹದ್ದನ್ನು ತಿನ್ನಲೇಬಾರದು ಎಂಬು ನಿಯಮಗಳು ಬಂದುಬಿಟ್ಟಿವೆ.. ಕೆಲವರು ಅನ್ನ ಊಟ ಮಾಡಬಹುದು, ಇನ್ನು ಕೆಲವರು ಅನ್ನ ಮುಟ್ಟೋ ಹಾಗೇ ಇಲ್ಲ.. ಬರೀ ಗೋಧಿಯಿಂದ ಮಾಡಿದ ಪದಾರ್ಥಗಳಲ್ಲೇ ಹೊಟ್ಟೆ ತುಂಬಿಸಿಕೊಳ್ಳಬೇಕು..

ಹಾಗಾದ್ರೆ, ಅಕ್ಕಿ ಒಳ್ಳೆಯದೋ, ಗೋಧಿ ಒಳ್ಳೆಯದೋ..?;

ಹಾಗಾದ್ರೆ, ಅಕ್ಕಿ ಒಳ್ಳೆಯದೋ, ಗೋಧಿ ಒಳ್ಳೆಯದೋ..?; ಇತ್ತೀಚಿನ ದಿನಗಳಲ್ಲಿ ಮಧುಮೇಹ ಸಮಸ್ಯೆ ಎದುರಿಸುತ್ತಿರುವವರು ಸಂಖ್ಯೆ ಹೆಚ್ಚಾಗುತ್ತಿದೆ.. ಜೊತೆಗೆ ತೂಕ ಹೆಚ್ಚಾಗಿ ಬೊಜ್ಜು ಬೆಳೆಸಿಕೊಂಡು ಸಂಕಷ್ಟ ಅನುಭವಿಸುತ್ತಿರುವವರೂ ಇದ್ದಾರೆ.. ಇವರೆಲ್ಲಾ ಅನ್ನ ತಿನ್ನುವುದಕ್ಕೆ ತ್ಯಜಿಸಿಬಿಟ್ಟಿರುತ್ತಾರೆ.. ಆಗೊಮ್ಮೆ, ಈಗೊಮ್ಮೆ ಅನ್ನ ತಿನ್ನೋದು ಬಿಟ್ಟರೆ, ಮಿಕ್ಕೆಲ್ಲಾ ಸಮಯದಲ್ಲಿ ಗೋಧಿಯನ್ನೇ ಆಹಾರವಾಗಿ ತಿನ್ನುತ್ತಾರೆ. ಬಹುತೇಕ ವೈದ್ಯರು ಕೂಡಾ ಮಧುಮೇಹ, ಬೊಜ್ಜು ಇರುವವರಿಗೆ ಗೋಧಿಯಿಂದ ಮಾಡಿದ ಆಹಾರವನ್ನೇ ಶಿಫಾರಸು ಮಾಡುತ್ತಾರೆ.

ಅಕ್ಕಿ ಹಾಗೂ ಗೋಧಿ ನಡುವೆ ಇರೋ ವ್ಯತ್ಯಾಸ ಏನು..?;

ಅಕ್ಕಿ ಹಾಗೂ ಗೋಧಿ ನಡುವೆ ಇರೋ ವ್ಯತ್ಯಾಸ ಏನು..?; ಹಾಗಾದರೆ ಅಕ್ಕಿಗಿಂದ ಗೋಧಿಯಿಂದ ಮಾಡಿದ ಪದಾರ್ಥಗಳನ್ನು ತಿನ್ನುವುದರಿಂದ ದೇಹಕ್ಕೆ ಹೆಚ್ಚಿನ ಲಾಭವಿದೆಯೇ..? ಅಕ್ಕಿ ಹಾಗೂ ಗೋಧಿ ನಡುವೆ ಏನು ವ್ಯತ್ಯಾಸಗಳಿವೆ..? ಎರಡರಲ್ಲೂ ಇರುವ ಪೋಷಕಾಂಶಗಳೇನು..? ಅವುಗಳಿಂದ ಅನುಕೂಲ ಏನು..? ಅನಾನುಕೂಲ ಏನು..? ಈ ಬಗ್ಗೆ ಹಲವು ತಜ್ಞರು ಮಾಹಿತಿ ಕೊಟ್ಟಿದ್ದಾರೆ. ತಜ್ಞರು ಈ ಬಗ್ಗೆ ಏನು ಹೇಳ್ತಾರೆ ನೋಡೋಣ ಬನ್ನಿ..

ಗೋಧಿಯಲ್ಲಿ ಅಕ್ಕಿಗಿಂತ ಕಡಿಮೆ ಕಾರ್ಬೋಹೈಡ್ರೇಟ್‌ಗಳನ್ನು ಹೊಂದಿದ್ದು, ಗೋಧಿಯ ಆಹಾರ ಸೇವಿಸುವಂತೆ ವೈದ್ಯರು ಶಿಫಾರಸು ಮಾಡುತ್ತಾರೆ ಎಂದು ಹಲವರು ಭಾವಿಸುತ್ತಾರೆ. ಆದ್ರೆ ಗೋಧಿ ಹಾಗೂ ಅಕ್ಕಿ ಎರಡರಲ್ಲೂ ಕಾರ್ಬೋಹೈಡ್ರೇಟ್‌ಗಳು ಎರಡರಲ್ಲೂ ಬಹುತೇಕ ಒಂದೇ ಆಗಿರುತ್ತವಂತೆ. ಅಂದರೆ ಎರಡರ ನಡುವೆ ಬಹಳ ಕಡಿಮೆ ವ್ಯತ್ಯಾಸಗಳಿವೆ. ಹೀಗಾಗಿ ಬಹುತೇಕ ಎರಡೂ ಒಂದೇ ಆಗಿರುತ್ತವೆ.

ಅಕ್ಕಿ ಹಾಗೂ ಗೋಧಿಯಲ್ಲಿರುವ ಪೋಷಕಾಂಶಗಳು:

ಅಕ್ಕಿ ಹಾಗೂ ಗೋಧಿಯಲ್ಲಿರುವ ಪೋಷಕಾಂಶಗಳು:

100 ಗ್ರಾಂ ಅಕ್ಕಿ – 350 ಕ್ಯಾಲೊರಿಗಳು

100 ಗ್ರಾಂ ಗೋಧಿ – 347 ಕ್ಯಾಲೊರಿಗಳು

100 ಗ್ರಾಂ ಅಕ್ಕಿ – ಶೇ.6 ರಿಂದ 7 ಪ್ರಾಥಮಿಕ ಪ್ರೊಟೀನ್‌

100 ಗ್ರಾಂ ಗೋಧಿ – ಶೇ.12 ರಷ್ಟು ದ್ವಿತೀಯ ಪ್ರೊಟೀನ್‌

ಅಕ್ಕಿಯಲ್ಲಿ ಫೈಬರ್‌ ಅಂಶ ಹೆಚ್ಚಾಗಿರುತ್ತದೆ. ಹೀಗಾಗಿ ಮಧುಮೇಹಿಗಳು, ತೂಕ ಹೆಚ್ಚಿರುವವರು ಗೋಧಿಗೆ ಆದ್ಯತೆ ನೀಡುತ್ತಾರೆ. ಆದರೆ, ಅಕ್ಕಿಯಲ್ಲಿ ನಾರಿನಂಶವೂ ಇದೆ ಎಂಬುದು ಕೆಲ ತಜ್ಞರ ವಾದ. ಆದರೆ, ಧಾನ್ಯ ಸಂಸ್ಕರಣೆಯ ಸಮಯದಲ್ಲಿ (ಅದನ್ನು ಅಕ್ಕಿಯಾಗಿ ಪರಿವರ್ತಿಸುವ ಪ್ರಕ್ರಿಯೆ) ಆ ಪೋಷಕಾಂಶಗಳು ಕಳೆದುಹೋಗುತ್ತವೆ. ಆದರೆ ಗೋಧಿಯಲ್ಲಿ ಆ ಪ್ರಕ್ರಿಯೆಯ ಕೊರತೆಯಿದೆ, ಆದ್ದರಿಂದ ಫೈಬರ್ ಅಧಿಕವಾಗಿದೆ ಎಂದು ತಜ್ಞರು ಹೇಳಿದ್ದಾರೆ.

ಅಕ್ಕಿ ಮತ್ತು ಗೋಧಿಯಲ್ಲಿನ ಪೋಷಕಾಂಶಗಳೇನು..?;

ಅಕ್ಕಿ ಮತ್ತು ಗೋಧಿಯಲ್ಲಿನ ಪೋಷಕಾಂಶಗಳೇನು..?; ಅಕ್ಕಿಯಲ್ಲಿ ಕಾರ್ಬೋಹೈಡ್ರೇಟ್, ಪ್ರೋಟೀನ್, ಕಬ್ಬಿಣ, ರಂಜಕ, ಮೆಗ್ನೀಸಿಯಮ್ ಮತ್ತು ಕ್ಯಾಲ್ಸಿಯಂ ಇದೆ. ಪಾಲಿಶ್ ಮಾಡದ ಅಕ್ಕಿಯಲ್ಲಿ ಮಾತ್ರ ಥಯಾಮಿನ್ ಮತ್ತು ನಾರಿನ ಅಂಶವಿದೆ ಎನ್ನುತ್ತಾರೆ ಪೌಷ್ಟಿಕ ತಜ್ಞರು. ಗೋಧಿಯು ಅಕ್ಕಿಗಿಂತ ಎರಡು ಪಟ್ಟು ಹೆಚ್ಚು ಕಬ್ಬಿಣ, ಕ್ಯಾಲ್ಸಿಯಂ ಮತ್ತು ಫೈಬರ್ ಅನ್ನು ಹೊಂದಿರುತ್ತದೆ. ಜೊತೆಗೆ ಕಾರ್ಬೋಹೈಡ್ರೇಟ್‌ಗಳು, ಪ್ರೋಟೀನ್, ರಂಜಕ ಮತ್ತು ಪೊಟ್ಯಾಸಿಯಮ್ ಕೂಡಾ ಇದೆ.

ಅನ್ನ ತಿಂದರೆ ಸಕ್ಕರೆ ಮಟ್ಟ ಜಾಸ್ತಿಯಾಗುತ್ತಾ..?;

ಅನ್ನ ತಿಂದರೆ ಸಕ್ಕರೆ ಮಟ್ಟ ಜಾಸ್ತಿಯಾಗುತ್ತಾ..?;  ಸಾಮಾನ್ಯವಾಗಿ, ವೈದ್ಯರು ಮಧುಮೇಹಿಗಳಿಗೆ ಅಕ್ಕಿ ಹಾಗೂ ಅದರಿಂದ ಮಾಡಿದ ಆಹಾರವನ್ನು ಶಿಫಾರಸು ಮಾಡುವುದಿಲ್ಲ. ಗೋಧಿಯಲ್ಲಿ ಕರಗದ ನಾರು ಇರುತ್ತದೆ. ಇದು ರಕ್ತದಲ್ಲಿನ ಸಕ್ಕರೆ ಮಟ್ಟವು ಹೆಚ್ಚಾಗುವುದನ್ನು ತಡೆಯುತ್ತದೆ. ಆದರೆ, ಅಕ್ಕಿಯಲ್ಲಿ ನಾರಿನಂಶದ ಕೊರತೆಯಿಂದಾಗಿ ಸಕ್ಕರೆ ಪ್ರಮಾಣವು ತಕ್ಷಣವೇ ಏರುತ್ತದೆ ಎಂದು ಕೆಲ ತಜ್ಞರು ಹೇಳುತ್ತಾರೆ.

ನಾರಿನ ಅಂಶದ ಕೊರತೆಯಿಂದ ಅಕ್ಕಿ ಬೇಗ ಜೀರ್ಣವಾಗುತ್ತದೆ. ಹೀಗಾಗಿ ಅದರಿಂದ ರಕ್ತದಲ್ಲಿನ ಸಕ್ಕರೆ ಪ್ರಮಾಣ ವೇಗವಾಗಿ ಏರುತ್ತದೆ. ಅದಕ್ಕಾಗಿಯೇ ವೈದ್ಯರು ಫೈಬರ್ ಭರಿತ ಧಾನ್ಯಗಳು ಮತ್ತು ಗೋಧಿಯನ್ನು ಶಿಫಾರಸು ಮಾಡುತ್ತಾರೆ ಎಂದು ತಜ್ಞರು ಹೇಳುತ್ತಾರೆ.

ಗೋಧಿಯಿಂದ ಹೊಸ ರೋಗಕ್ಕೆ ಕಾರಣವಾಗುತ್ತದಾ..?;

ಗೋಧಿಯಿಂದ ಹೊಸ ರೋಗಕ್ಕೆ ಕಾರಣವಾಗುತ್ತದಾ..?;  ಇತ್ತೀಚಿನ ಅಧ್ಯಯನಗಳ ಪ್ರಕಾರ, ದೀರ್ಘಕಾಲದಿಂದ ಗೋಧಿ ಭಕ್ಷ್ಯಗಳನ್ನು ಸೇವಿಸುವ ಮಧುಮೇಹ ರೋಗಿಗಳಲ್ಲಿ ಸೆಲಿಯಾಕ್ ಕಾಯಿಲೆ (ಸಣ್ಣ ಕರುಳಿಗೆ ಹಾನಿ ಮಾಡುವ ಜೀರ್ಣಕಾರಿ ಸಮಸ್ಯೆ) ಕಂಡುಬರುತ್ತದೆ ಎಂದು ಕೆಲವು ತಜ್ಞರು ಹೇಳುತ್ತಾರೆ. ಅದಕ್ಕೆ ಕಾರಣ ಗೋಧಿಯಲ್ಲಿರುವ ಗ್ಲುಟನ್ ಎಂಬ ವಸ್ತುವೇ ಕಾರಣವಂತೆ.

ಸರಳವಾಗಿ ಹೇಳುವುದಾದರೆ, ಗ್ಲುಟನ್ ಪರಾಠಾ ಮತ್ತು ಚಪಾತಿಗಳನ್ನು ತಯಾರಿಸಲು ಬಳಸುವ ಸ್ಥಿತಿಸ್ಥಾಪಕ ವಸ್ತುವಾಗಿದೆ ಎಂಬುದು ತಜ್ಞರ ಹೇಳಿಕೆ. ಗೋಧಿಯ ಮುಖ್ಯ ಸಮಸ್ಯೆ ಅಂಟು. ಗೋಧಿಯಿಂದ ಮಾಡಿದ ಆಹಾರಗಳನ್ನು ಅಗಿಯುವಾಗ ಬಬಲ್ಗಮ್‌ನಂತೆ ಭಾಸವಾಗುತ್ತದೆ. ಅದು ಅಂಟು. ಅಲ್ಲದೆ, ಗ್ಲುಟನ್ ಪ್ರೋಟೀನ್ ಆಗಿದೆ. ಗೋಧಿ ಅನೇಕ ರೀತಿಯ ಪ್ರೋಟೀನ್‌ಗಳನ್ನು ಹೊಂದಿರುತ್ತದೆ. ಆದರೆ, ಗ್ಲುಟನ್ ಎಲ್ಲರಿಗೂ ಸೂಕ್ತ ಎಂಬುದು ಸಾಬೀತಾಗಿಲ್ಲ, ಇದು ಅಲ್ಪ ಪ್ರಮಾಣದ ಜನರಲ್ಲಿ ಮಾತ್ರ ಅಲರ್ಜಿ ಉಂಟುಮಾಡುತ್ತದೆ ಎನ್ನುತ್ತಾರೆ ಕೆಲ ತಜ್ಞರು.

ಹಿಟ್ಟು ಮತ್ತು ರವೆ ಉತ್ತಮವೇ?;

ಹಿಟ್ಟು ಮತ್ತು ರವೆ ಉತ್ತಮವೇ?; ಗೋಧಿ ಹಿಟ್ಟು ಮತ್ತು ರವೆ ಬಹುತೇಕ ಒಂದೇ ಎಂದು ಪೌಷ್ಟಿಕತಜ್ಞರು ಹೇಳುತ್ತಾರೆ. ಹಿಟ್ಟು ಮತ್ತು ರವೆ ಗೋಧಿಯ ಉಪ ಉತ್ಪನ್ನಗಳಾಗಿವೆ. ಮೈದಾ ಸೇವನೆಯಿಂದ ನಾನಾ ರೀತಿಯ ಆರೋಗ್ಯ ಸಮಸ್ಯೆಗಳು ಉಂಟಾಗುತ್ತಿವೆ ಎನ್ನಲಾಗಿದೆ. ರಾಸಾಯನಿಕಗಳೊಂದಿಗೆ ಹಿಟ್ಟನ್ನು ಸಂಸ್ಕರಿಸುವುದು ಗೋಧಿಯ ಉತ್ತಮ ಪೋಷಕಾಂಶಗಳನ್ನು ಕಸಿದುಕೊಳ್ಳುತ್ತದೆ ಮತ್ತು ಕಾರ್ಬೋಹೈಡ್ರೇಟ್‌ಗಳನ್ನು ಮಾತ್ರ ಬಿಡುತ್ತದೆ. ರವೆಯಂತೆ ಗೋಧಿಯನ್ನು ಸಂಸ್ಕರಿಸುವುದರಿಂದ ರವೆ ಬರುತ್ತದೆ. ಹಾಗಾಗಿ ಇದರಲ್ಲಿ ಸ್ವಲ್ಪ ನಾರಿನಂಶವಿದೆ ಎಂಬುದು ತಜ್ಞರ ಹೇಳಿಕೆ.

ಮೈದಾದಲ್ಲಿರುವ ಹೆಚ್ಚಿನ ಕಾರ್ಬೋಹೈಡ್ರೇಟ್‌ಗಳು ನಿಷ್ಪ್ರಯೋಜಕ ಮಾತ್ರವಲ್ಲ, ಅದರಲ್ಲಿರುವ ಇತರ ಅಂಶಗಳು ಅನೇಕ ಆರೋಗ್ಯ ಸಮಸ್ಯೆಗಳಿಗೆ ಕಾರಣವಾಗುತ್ತವೆ ಎಂದು ವಿಜಯಶ್ರೀ ಮಾಹಿತಿ ನೀಡಿದರು.