ಕನಕಪುರದ ಬಳಿ ನಾಡಬಾಂಬ್ ಸಿಡಿದು ವ್ಯಕ್ತಿಯ ಕೈ ಛಿದ್ರ
ರಾಮನಗರ; ಕನಕಪುರದ ಬಳಿ ನಾಡಬಾಂಬ್ ಸಿಡಿದು ವ್ಯಕ್ತಿಯೊಬ್ಬರ ಕೈ ಛಿದ್ರವಾಗಿದೆ, ಕನಕಪುರ ತಾಲ್ಲೂಕಿನ ನೇರಳಹಳ್ಳಿದೊಡ್ಡಿ ಗ್ರಾಮದಲ್ಲಿ ಈ ಘಟನೆ ನಡೆದಿದ್ದು, ನೌಷದ್‌ ಪಾಷ ಎಂಬುವವರ ಕೈ ಛಿದ್ರವಾಗಿದೆ.
ನೇರಳೆದೊಡ್ಡಿ ಗ್ರಾಮದ ರೈಸ್‌ ಮಿಲ್‌ನಲ್ಲಿ ಕೆಲಸ ಮಾಡುತ್ತಿದ್ದ ಕೋಲಾರ ಮೂಲದ ನೌಷಾದ್‌, ರೈಸ್‌ ಮಿಲ್‌ ಹಿಂಭಾಗದಲ್ಲಿ ಬಿದ್ದಿದ್ದ ಚೆಂಡಿಯ ರೀತಿಯ ವಸ್ತುವನ್ನು ಕೈಯಲ್ಲಿ ಹಿಡಿದುಕೊಂಡಿದ್ದಾರೆ. ಆಗ ಅದು ಸ್ಫೋಟಗೊಂಡಿದೆ. ಅದು ನಾಡಬಾಂಬ್ ಎಂಬುದು ಆತನಿಗೆ ತಿಳಿಯದೆ ಆ ಕೆಲಸ ಮಾಡಿದ್ದಾನೆ.
ನೌಷಾದ್‌ನನ್ನು ಸ್ಥಳೀಯ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಘಟನೆ ನಡೆದ ಸ್ಥಳದಲ್ಲಿ ಮತ್ತೆರಡು ನಾಡಬಾಂಬ್‌ಗಳು ಪತ್ತೆಯಾಗಿವೆ. ಕಾಡು ಹಂದಿಗಳ ಹಾವಳಿಯನ್ನು ತಡೆಯಲು ಅಲ್ಲಿ ನಾಡಬಾಂಬ್ ಇಟ್ಟಿದ್ದರು ಎನ್ನಲಾಗಿದೆ.
