ಹಾಸನಾಂಬೆ ದರ್ಶನ ಸಾಲಿನಲ್ಲಿ ಕರೆಂಟ್‌ ಶಾಕ್; ಭಕ್ತರು ಅಲ್ಲೋಲ ಕಲ್ಲೋಲ
ಹಾಸನ; ಹಾಸನಾಂಬೆ ದರ್ಶನಕ್ಕೆ ನಿಂತಿದ್ದ ಭಕ್ತರಿಗೆ ಕರೆಂಟ್‌ ಶಾಕ್ ಹೊಡೆದಿದ್ದು, ಇದರಿಂದಾಗಿ ಸ್ಥಳದಲ್ಲಿ ಅಲ್ಲೋಲ ಕಲ್ಲೋಲ ಪರಿಸ್ಥಿತಿ ಉಂಟಾಗಿದೆ. ಸಂತೇಪೇಟೆ ಧರ್ಮದರ್ಶನ ಸಾಲಿನಲ್ಲಿ ಈ ಘಟನೆ ನಡೆದಿದೆ.
ದರ್ಶನ ಸಾಲಿನಲ್ಲಿ ನಿಂತಿದ್ದ ಯಾರಿಗೋ ಒಬ್ಬರಿಗೆ ಕರೆಂಟ್‌ ಶಾಕ್ ಹೊಡೆದಿದೆ. ಇದರಿಂದಾಗಿ ಭಯಭೀತರಾಗಿ ಮಹಿಳೆಯರು ಓಡಲು ಪ್ರಯತ್ನಿಸಿದ್ದಾರೆ. ಇದರಿಂದಾಗಿ ಒಬ್ಬರ ಮೇಲೊಬ್ಬರು ಬಿದ್ದಿದ್ದಾರೆ. ಇದ್ರಿಂದ ಮತ್ತಷ್ಟು ಸಮಸ್ಯೆಯಾಗಿದೆ. ಸ್ಥಳೀಯರು ನೆರವಿಗೆ ಬಂದಿದ್ದು, ಸಾಲಿನಲ್ಲಿ ಸಿಲುಕಿದ್ದವರನ್ನು ಹೊರಗೆಳೆದು ತಂದಿದ್ದಾರೆ.
