ಕಾಂಗ್ರೆಸ್‌ ಮೋಸ ಮಾಡಿರುವ 100 ಉದಾಹರಣೆ ಕೊಡುತ್ತೇನೆ; ಹೆಚ್‌.ಡಿ.ದೇವೇಗೌಡ
ಬೆಂಗಳೂರು; ಕಾಂಗ್ರೆಸ್‌ ನಮಗೆ ಮೋಸ ಮಾಡಿರುವುದಕ್ಕೆ 100 ಉದಾಹರಣೆಗಳನ್ನು ಕೊಡುತ್ತೇನೆ ಎಂದು ಮಾಜಿ ಪ್ರಧಾನಿ ದೇವೇಗೌಡರು ಹೇಳಿದ್ದಾರೆ. ಬೆಂಗಳೂರಿನಲ್ಲಿ ಸುದ್ದಿಗೋಷ್ಠಿ ನಡೆಸಿದ ಅವರು, ಬಿಜೆಪಿ-ಜೆಡಿಎಸ್‌ ಮೈತ್ರಿ ಮಾಡಿಕೊಂಡಿದ್ದರ ಬಗ್ಗೆ ಮಾಹಿತಿ ನೀಡಿದರು.
ನಾವು ಯಾವತ್ತೂ ಕೂಡಾ ಅಧಿಕಾರಕ್ಕಾಗಿ ರಾಜಕೀಯ ಮಾಡಲೇ ಇಲ್ಲ. ರಾಹುಲ್‌ ಗಾಂಧಿ ಬಾಯಿಂದಲೇ ಈ ಹಿಂದೆ ಜೆಡಿಎಸ್‌ ಪಕ್ಷ ಬಿಜೆಪಿಯ ಬಿಟೀಂ ಎಂದು ಹೇಳಿಸಲಾಗಿತ್ತು. ಆದ್ರೆ ನಾವು ಕಾಂಗ್ರೆಸ್‌ ಜೊತೆ ಮೈತ್ರಿ ಮಾಡಿಕೊಂಡಾಗ ಏನು ಮಾಡಿದರು ಅನ್ನೋದು ಎಲ್ಲರಿಗೂ ಗೊತ್ತೇ ಇದೆ ಎಂದು ದೇವೇಗೌಡರು ಹೇಳಿದರು. ಅಲ್ಪ ಸಂಖ್ಯಾತರ ಪರವಾಗಿ ಎಂದಿಗೂ ಜೆಡಿಎಸ್‌ ನಿಲ್ಲಲಿದೆ. ನಾವು ಎಲ್ಲಿದ್ದರೂ ಅಲ್ಪಸಂಖ್ಯಾತರು ನಮ್ಮ ಕೈಬಿಡುವುದಿಲ್ಲ ಎಂದು ದೇವೇಗೌಡರು ಇದೇ ವೇಳೆ ಹೇಳಿದರು.
ಕುಮಾರಸ್ವಾಮಿಯವರು ಬಿಜೆಪಿ ನಾಯಕರನ್ನು ದೆಹಲಿಯಲ್ಲಿ ಭೇಟಿಯಾಗುವುದಕ್ಕೂ ಮೊದಲ ನಾನು ಅಮಿತ್‌ ಶಾ ಜೊತೆ ಮಾತನಾಡಿದ್ದೆ. ಕರ್ನಾಟಕದ ಪರಿಸ್ಥಿತಿ ಏನಿದೆ ಎಂಬುದನ್ನೂ ಅವರಿಗೆ ವಿವರಿಸಿದ್ದೆ. ಹತ್ತು ವರ್ಷಗಳ ನಾನು ಮೊದಲ ಬಾರಿಗೆ ಮೈತ್ರಿ ಬಗ್ಗೆ ಮಾತನಾಡಿದ್ದೇನೆ ಎಂದು ಹೇಳಿದರು.
