ದಿ ಕೇರಳ ಸ್ಟೋರಿ ಚಿತ್ರದ ನಟಿ ಅದಾಶರ್ಮಾ ಇದ್ದ ಕಾರು ಅಪಘಾತ

ಮುಂಬೈ; ದಿ ಕೇರಳ ಸ್ಟೋರಿ ಚಿತ್ರದ ನಟಿ ಅದಾ ಶರ್ಮಾ ಹಾಗೂ ನಿರ್ದೇಶಕ ಸುದಿಪ್ತೋ ಸೇನ್‌ ಪ್ರಯಾಣಿಸುತ್ತಿದ್ದ ಕಾರು ಅಪಘಾತಕ್ಕೀಡಾಗಿದೆ. ಕರೀಮ್‌ನಗರದಲ್ಲಿ ಹಿಂದೂ ಏಕತಾ ಯಾತ್ರೆಯಲ್ಲಿ ಪಾಲ್ಗೊಳ್ಳಲು ಹೋಗುತ್ತಿದ್ದಾಗ ಈ ಅಪಘಾತ ನಡೆದಿದ್ದು, ಇಬ್ಬರೂ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಸಣ್ಣಪುಟ್ಟ ಗಾಯಗಳಾಗಿದ್ದು, ಆಸ್ಪತ್ರೆಯಲ್ಲಿ ಚೇತರಿಸಿಕೊಳ್ಳುತ್ತಿದ್ದಾರೆ.

ಈ ಬಗ್ಗೆ ಅದಾ ಶರ್ಮಾ ಟ್ವೀಟ್‌ ಮಾಡಿದ್ದು, ಯಾರೂ ಆತಂಕಪಡುವುದು ಬೇಡ. ನಾವು ಆರೋಗ್ಯವಾಗಿದ್ದೇವೆ. ಗಂಭೀರ ಅಪಘಾತವೇನೂ ನಡೆದಿಲ್ಲ ಎಂದು ಬರೆದುಕೊಂಡಿದ್ದಾರೆ.