ಬಹಿರಂಗ ಪ್ರಚಾರ ಅಂತ್ಯ; ಇನ್ನು ಮನೆ ಮನೆ ಪ್ರಚಾರ ಮಾತ್ರ

ಬೆಂಗಳೂರು; ಇಷ್ಟು ದಿನ ಇದ್ದ ಚುನಾವಣಾ ಅಬ್ಬರ ಈಗ ಕಡಿಮೆಯಾಗಿದೆ. ಇನ್ನು ಬಹಿರಂಗ ಪ್ರಚಾರ ಮಾಡುವಂತಿಲ್ಲ. ಇಂದು ಸಂಜೆ ಆರು ಗಂಟೆಗೆ ಬಹಿರಂಗ ಪ್ರಚಾರ ಅಂತ್ಯವಾಗಿದೆ. ಹೊರಗಿನಿಂದ ಬಂದ ಸ್ಟಾರ್‌ ಪ್ರಚಾರಕರೂ ಕ್ಷೇತ್ರಗಳನ್ನು ಬಿಟ್ಟು ಹೋಗಿದ್ದಾರೆ. ಇನ್ನು ಏನಿದ್ದರೂ ಮನೆ ಮನೆ ಪ್ರಚಾರ ನಡೆಯಲಿದೆ. ಇನ್ನು ಎರಡು ದಿನ ಯಾವುದೇ ಮೈಕ್‌ ಶಬ್ದವಾಗಲೀ, ರ್ಯಾಲಿ, ಸಭೆಗಳಾಗಲೀ ಇರೋದಿಲ್ಲ.

ಇನ್ನು ಚುನಾವಣೆ ಹಿನ್ನೆಲೆಯಲ್ಲಿ ಮದ್ಯಂದಗಡಿಗಳು ಕೂಡಾ ಬಂದ್‌ ಆಗಿವೆ. ಬುಧವಾರ ಬೆಳಗ್ಗೆ ಆರು ಗಂಟೆಯಿಂದ ಸಂಜೆ ಏಳು ಗಂಟೆವರೆಗೂ ಮತದಾನ ನಡೆಯಲಿದ್ದು, ಇದಕ್ಕಾಗಿ ಅಧಿಕಾರಿಗಳು ಸಕಲ ಸಿದ್ಧತೆಗಳನ್ನು ಮಾಡಿಕೊಂಡಿದ್ದಾರೆ.

ಚುನಾವಣೆ ಹಿನ್ನೆಲೆಯಲ್ಲಿ ಇಂದು ಸಂಜೆ ಐದು ಗಂಟೆಯಿಂದ ಮದ್ಯ ಮಾರಾಟ ನಿಷೇಧ ಮಾಡಲಾಗಿದೆ. ಮೇ ಹತ್ತರ ಮಧ್ಯರಾತ್ರಿವರೆಗೂ ಮದ್ಯ ಮಾರಾಟ ಇರೋದಿಲ್ಲ. ಇನ್ನು ಮೇ ೧೩ರಂದು ಮತಎಣಿಕೆ ನಡೆಯಲಿದ್ದು, ಅಂದು ಕೂಡಾ ಮದ್ಯ ಮಾರಾಟ ಇರುವುದಿಲ್ಲ.